قىتاي عالىمدارى كوروناۆيرۋس ەلەم حالقىنىڭ ٷشتەن ەكٸسٸنە جۇعۋى مٷمكٸن دەپ بولجايدى. دٷنيەجٷزٸلٸك دەنساۋلىق ساقتاۋ ۇيىمىنىڭ كەڭەسشٸسٸ ايرا لوندجيني Bloomberg اگەنتتٸگٸنە بەرگەن سۇحباتىندا وسىلاي دەدٸ.
قىتايداعى ۆيرۋستىڭ تارالۋىن زەرتتەپ جٷرگەن لوندجينيدٸڭ ايتۋىنشا, ەربٸر ناۋقاس ورتاشا ەسەپپەن ەكٸ-ٷش ادامعا ينفەكتسييا تاراتادى. كەيبٸر ادامداردا كوروناۆيرۋستىڭ بەلگٸلەرٸ اسا قاتتى بٸلٸنبەيدٸ, بۇل اۋرۋدى ەرتەرەك انىقتاۋدى قيىنداتىپ وتىر.
ساراپشىنىڭ پٸكٸرٸنشە, ناۋقاستاردى الشاقتاپ, كارانتينگە جٸبەرۋ كوروناۆيرۋستىڭ تارالۋىنا توسقاۋىل بولا المايدى. الايدا قىتاي قولدانىپ جاتقان شارالار باسقا مەملەكەتتەرگە ەپيدەميياعا دايىندالۋعا مٷمكٸندٸك بەرەدٸ.
سوڭعى دەرەك بويىنشا, قىتايدا ۆيرۋستى جۇقتىرعاندار سانى 64 مىڭعا جۋىقتادى. سوڭعى تەۋلٸكتە بەس مىڭنان استام ادامنان ۆيرۋس تابىلعان. جەلتوقسان ايىنان بەرٸ كوروناۆيرۋستان 1380 ادام كٶز جۇمدى. شامامەن جەتٸ مىڭعا جۋىعى جازىلىپ كەتتٸ.
قىتايدان تىس اۋماقتا 500-دەن استام ادام اۋرۋعا شالدىققان. ولاردىڭ جارتىسى جاپونييادا تۇرادى.
ورتالىق ازييا ەلدەرٸندە كوروناۆيرۋس جۇقتىرعاندار جوق. قازاقستان اقپاننىڭ باسىنان باستاپ, قىتايعا باراتىن ترانسپورتتىڭ بارلىق تٷرٸن شەكتەپ, قىتايلىقتارعا ۆيزا بەرۋدٸ توقتاتقان. اقپاننىڭ باسىندا قازاقستان ۋحاندا وقىپ جاتقان 80 ستۋدەنتٸن كەرٸ قايتاردى. كەيٸن قىتايدا جٷرگەن قازاقستاننىڭ 8 ازاماتى رەسەي مەن ٶزبەكستاننىڭ ۇشاقتارىمەن وسى ەلگە كەلگەن. 11 اقپاندا قازاقستان قىتايدان 217 ازاماتىن, 13 اقپاندا 211 ازاماتىن ەۆاكۋاتسييالادى.
قازاقستان دەنساۋلىق ساقتاۋ مينيسترلٸگٸنٸڭ دەرەگٸنشە, قازٸر قىتايدان كەلگەن 20 قازاقستاندىق تەمپەراتۋرا جەنە تۇماۋمەن اۋرۋحانادا جاتىر.
13 اقپاندا جاپونييانىڭ يوكوگاما قالاسىنىڭ جاعاسىندا كوروناۆيرۋستان سوڭ كارانتينگە جابىلعان Diamond Princess كرۋيزٸندە قازاقستاننىڭ تٶرت ازاماتى بار ەكەنٸ انىقتالدى.
