دٷنيەجٷزٸلٸك دەنساۋلىق ساقتاۋ ۇيىمىنىڭ ساراپشىلارى كوروناۆيرۋستىڭ تاراۋىن زەرتتەۋ ٷشٸن قىتايعا كەلدٸ. قىتايلىق باق 10 ادامنان قۇرالعان حالىقارالىق ساراپشىلار توبىنىڭ ۋحانعا 14 قاڭتاردا جەتكەنٸن حابارلادى. ولار 2019 جىلدىڭ سوڭىندا ۆيرۋس وشاعىنا اينالعان قالادا بٸر ايعا جۋىق ۋاقىت بولادى.
اقش, اۆسترالييا, گەرمانييا, جاپونييا, ۇلىبريتانييا, رەسەي, نيدەرلاند, كاتار, ۆەتنام ماماندارى كارانتين جاعدايىندا جۇمىس ٸستەيدٸ. قىتاي ساراپشىلارىمەن ۆيدەومەن بايلانىسقا شىعىپ, مەسەلەنٸ تالقىلاپ وتىرادى.
ددسۇ باسشىسى تەدروس گەبرەيەسۋس ٶتكەن اپتادا قىتايعا ساپاردىڭ شەگەرٸلگەنٸنە ٶكٸنٸش بٸلدٸرگەن. ۇيىم باسشىسى 5 قاڭتاردا قىتاي بيلٸگٸ عالىمداردىڭ كٸرۋٸنە ەلٸ رۇقسات بەرمەدٸ دەپ مەلٸمدەگەن. سونىڭ سالدارىنان كەيبٸر ماماندار ەلدەرٸنە قايتۋعا مەجبٷر بولعان. گەبرەيەسۋس قىتاي بيلٸگٸنە ساپاردىڭ ماڭىزدىلىعىن انىق جەتكٸزگەنٸن اتاپ ٶتكەن.
ونىڭ ايتۋىنشا, عالىمدار قىتايدا كوروناۆيرۋستىڭ ادامعا العاش قالاي جۇققانىن انىقتاۋعا كٷش سالادى.
بۇعان دەيٸن كوروناۆيرۋستىڭ جۇعۋ تەسٸلٸ جايلى تٷرلٸ بولجام ايتىلعان. ۆيرۋس ۋحانداعى بازاردا ساتىلعان جانۋارلار ەتٸ ارقىلى ادامعا جۇقتى دەگەن بولجام دا تاراعان.
قىتاي سىرتقى ٸستەر مينيسترلٸگٸنٸڭ رەسمي ٶكٸلٸ چجاو ليتسزيان 12 قاڭتاردا تاراپتار اراسىندا كەلٸسسٶز جٷرگەننەن كەيٸن پەكين عالىمداردىڭ كٸرۋٸنە رۇقسات بەرگەنٸن ايتتى. مينيسترلٸك عالىمدار ساپارىن "كوروناۆيرۋس تەگٸن انىقتاۋدى كٶزدەگەن عىلىمي ەرٸپتەستٸك نەگٸزٸندە قىتاي عالىمدارى مەن مەديتسينا ماماندارىمەن پٸكٸر الماسۋ" مٷمكٸندٸگٸ دەپ اتادى.
ليتسزيان باسپاسٶز جيىنى كەزٸندە ۆيرۋستىڭ تاراۋىنا كٶپتەگەن ەلدٸڭ قاتىسى بولۋى مٷمكٸن دەپ مەلٸمدەدٸ."ەپيدەميولوگييالىق احۋال ٶزگەرگەن سايىن ۆيرۋس جايلى بٸلٸمٸمٸز تولىعىپ, ەرتەرەك كەيستەر دە انىقتالىپ جاتىر" دەدٸ.
قىتاي ٷكٸمەتٸ ٸندەتتٸ بۇزىلعان تەڭٸز ٶنٸمدەرٸن يمپورتتاۋمەن بايلانىستىرۋعا بەيٸم. بۇل بولجامدى حالىقارالىق ساراپشىلار جوققا شىعارعان.
