دٷنيەجٷزٸلٸك دەنساۋلىق ساقتاۋ ۇيىمىنىڭ Solidarity كلينيكالىق زەرتتەۋٸ كوروناۆيرۋسقا قارسى تاعى ٷش پرەپاراتتى سىناقتان ٶتكٸزە باستايدى. Solidarity PLUS پرەپاراتتاردى زەرتتەۋدٸ 52 ەلدە جٷرگٸزبەك. بۇل تۋرالى ددسۇ سايتى حابارلادى.
دٷنيەجٷزٸلٸك دەنساۋلىق ساقتاۋ ۇيىمى ٶزٸ ۇيىمداستىرعان Solidarity زەرتتەۋلەرٸنٸڭ كەلەسٸ كەزەڭٸ باستالعانىن مەلٸمدەدٸ. ول Solidarity PLUS دەپ اتالدى. ونىڭ بارىسىندا COVID-19-عا قارسى تاعى 3 پرەپاراتتىڭ تيٸمدٸلٸگٸ ستاتسيونارلىق جاعدايدا اۋرۋحاناعا تٷسكەن ناۋقاستاردىڭ قاتىسۋىمەن سىنالادى.
بۇل پرەپاراتتار – ارتەسۋنات, يماتينيب جەنە ينفليكسيماب. ولاردى تەۋەلسٸز ساراپشىلار كوميسسيياسى كوروناۆيرۋسپەن اۋرۋحاناعا تٷسكەن ناۋقاستار اراسىندا ٶلٸم سانىن ازايتادى دەگەن سەنٸممەن تاڭداپ العان. ولار قازٸرگٸ كەزدە باسقا اۋرۋلاردى ەمدەۋدە پايدالانىلادى. مىسالى, ارتەسۋنات بەزگەكتٸڭ اۋىر تٷرٸن ەمدەۋدە قولدانىلسا, يماتينيب قاتەرلٸ ٸسٸكتٸڭ كەيبٸر تٷرلەرٸن ەمدەيدٸ, ال ينفليكسيماب كرون اۋرۋى سيياقتى يممۋندىق جٷيە سىرقاتتارىندا جەنە رەۆماتويدتٸ ارتريتتە قولدانىلادى.
Solidarity PLUS زەرتتەۋلەرٸنە 52 ەلدٸڭ 600 ستاتسيونارلىق مەديتسينالىق مەكەمەسٸنەن مىڭداعان زەرتتەۋشٸ قاتىسۋدا.
بۇدان بۇرىن زەرتتەۋلەر اياسىندا تٶرت پرەپاراتتىڭ تيٸمدٸلٸگٸ باعالانعان بولاتىن. زەرتتەۋلەردٸڭ قورىتىندىسى بويىنشا, رەمدەسيۆير, گيدروكسيحلوروحين, لوپيناۆير جەنە ينتەرفەرون پرەپاراتتارىنىڭ COVID-19-بەن اۋرۋحاناعا تٷسكەن ناۋقاستاردىڭ ٶلٸمٸنە ەسەرٸ جوق نەمەسە ەسەرٸ بولماشى دەگەن تٷيٸن جاسالعان.
