ەلەمدە COVID-19 ۆيرۋسىن جۇقتىرۋ جەنە ٶلٸم سانى سوڭعى ەكٸ ايدا العاش رەت تاعى ارتىپ, پاندەمييانىڭ اياقتالۋدان الىس ەكەنٸن كٶرسەتٸپ وتىر. بۇل تۋرالى جەنەۆادا ٶتكەن بريفينگ كەزٸندە دٷنيەجٷزٸلٸك دەنساۋلىق ساقتاۋ ۇيىمىنىڭ باسشىسى تەدروس ادانوم گەبرەيەسۋس مەلٸم ەتتٸ, دەپ حابارلايدى قازاقپارات Euronews-كە سٸلتەمە جاساپ.
ۇيىم باسشىسىنىڭ ايتۋىنشا, پاندەمييانىڭ بەتٸ قايتپاۋىنا نەگٸزٸنەن ونىمەن كٷرەس قۇرالدارىنا قولجەتٸمدٸلٸك ەركەلكٸ بولعانى سەبەپشٸ بولىپ وتىر. بۇل مۇقتاجدىق ٷشٸن ددسۇ-عا 23 ملرد دوللاردان استام قاراجات قاجەت.
«بٷگٸندە بٸز COVID-19 ۆيرۋسىمەن كٷرەس جٷرگٸزۋدٸ جوسپارلاۋ ٷشٸن جاڭا بيۋدجەتتٸ جارييالاپ وتىرمىز. ەلدەرگە ۆيرۋسپەن كٷرەس جٷرگٸزۋ جولىندا ٷلكەن ماقساتتارعا قول جەتكٸزٸپ, قاجەتتٸ قۇرالدار ۇسىنۋ ٷشٸن الداعى 12 ايدا 23,4 ميلليارد دوللار قاراجات كەرەك. بۇل باستامانى تولىق قارجىلاندىرۋ – ددسۇ ستراتەگيياسىنىڭ, دايارلىق جەنە ەلەۋ جوسپارىنىڭ, پاندەمييانى باقىلاۋعا الۋ بويىنشا بەرٸن قامتيتىن جوسپارىمىزدىڭ ماڭىزدى بٶلٸگٸ», - دەپ اتاپ ٶتتٸ گەبرەيەسۋس.
