Álemde COVID-19 virýsyn juqtyrý jáne ólim sany sońǵy eki aida alǵash ret taǵy artyp, pandemiianyń aiaqtalýdan alys ekenin kórsetip otyr. Bul týraly Jenevada ótken brifing kezinde Dúniejúzilik densaýlyq saqtaý uiymynyń basshysy Tedros Adanom Gebreiesýs málim etti, dep habarlaidy QazAqparat Euronews-ke silteme jasap.
Uiym basshysynyń aitýynsha, pandemiianyń beti qaitpaýyna negizinen onymen kúres quraldaryna qoljetimdilik árkelki bolǵany sebepshi bolyp otyr. Bul muqtajdyq úshin DDSU-ǵa 23 mlrd dollardan astam qarajat qajet.
«Búginde biz COVID-19 virýsymen kúres júrgizýdi josparlaý úshin jańa biýdjetti jariialap otyrmyz. Elderge virýspen kúres júrgizý jolynda úlken maqsattarǵa qol jetkizip, qajetti quraldar usyný úshin aldaǵy 12 aida 23,4 milliard dollar qarajat kerek. Bul bastamany tolyq qarjylandyrý – DDSU strategiiasynyń, daiarlyq jáne eleý josparynyń, pandemiiany baqylaýǵa alý boiynsha bárin qamtityn josparymyzdyń mańyzdy bóligi», - dep atap ótti Gebreiesýs.
