ددسۇ باسشىسى تەدروس ادحانوم گەبرەيەسۋس الماتىعا كەلدٸ, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەمە جاساپ.
ول قازاقستانعا بەيرەسمي ساپارمەن كەلگەن. قازاقستاندا ونىڭ قۇدالارى تۇراتىنى بەلگٸلٸ.
تەدروس ادحانوم گەبرەيەسۋس ەلٸمٸزدٸڭ جەتەكشٸ مەديتسينالىق ۋنيۆەرسيتەتٸ - اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸنە (قازۇمۋ) بارعان.
اسفەنديياروۆ اتىنداعى قازۇمۋ باسپاسٶز قىزمەتٸ مەلٸمەتٸنشە, مەديتسينالىق ۋنيۆەرسيتەتتە ددسۇ باسشىسىن دەنساۋلىق ساقتاۋ مينيسترٸ اجار عينييات قارسى العان. ول ۋنيۆەرسيتەتتٸڭ قۇرمەتتٸ قوناقتارى كٸتابىنا ەستەلٸك جازبا قالدىردى. سونداي-اق, تەدروس گەبرەيەسۋس اكادەميك شارمانوۆ اتىنداعى داڭق زالىندا قازاقستاندىق عىلىم مەن مەديتسينانىڭ جەتەكشٸ قايراتكەرلەرٸ – قازۇمۋ پروفەسسورلارىمەن كەزدەستٸ, ەلەمدەگٸ ەپيدەميولوگييالىق جاعدايدىڭ دامۋى تۋرالى سۇراقتارعا جاۋاپ بەردٸ.
قازۇمۋ رەكتورى مارات شورانوۆ ددسۇ باسشىسىنا قازاقستاننىڭ جەتەكشٸ مەديتسينالىق ۋنيۆەرسيتەتٸنە كەلگەنٸ ٷشٸن العىسىن بٸلدٸردٸ.
"دٷنيەجٷزٸلٸك دەنساۋلىق ساقتاۋ ۇيىمىنىڭ باس ديرەكتورى لاۋازىمىنا ەكٸنشٸ مەرزٸمگە سايلانۋىڭىزبەن قۇتتىقتايمىز. پاندەمييانىڭ العاشقى كٷندەرٸنەن باستاپ ددسۇ مٷشە مەملەكەتتەرگە قولداۋ كٶرسەتٸپ كەلەدٸ. مەملەكەتٸمٸزدٸڭ باسشىسى قاسىم-جومارت توقاەۆ 2021 جىلى سٸزبەن ونلاين كەزدەسۋٸندە جەنە ددسۇ اسسامبلەياسىندا سٶيلەگەن سٶزٸندە پاندەمييا كەزٸندە قازاقستانعا كٶرسەتكەن كٶمەگٸڭٸزدٸ جوعارى باعالايتىنىن ايتقان. ول كەزدە مەن دەنساۋلىق ساقتاۋ ۆيتسە-مينيسترٸ بولىپ جۇمىس ٸستەدٸم, سٸزگە جەنە سٸزدٸڭ ۇجىمعا العىسىمدى قابىل الىڭىزدار", - دەدٸ قازۇمۋ رەكتورى.
