اقپارات جەنە قوعامدىق دامۋ مينيسترٸ دەۋرەن اباەۆ جايىق ٶزەنٸندەگٸ بالىقتاردىڭ قىرىلۋ سەبەبٸن اتادى, دەپ حابارلايدى قازاقپارات تٸلشٸسٸ.
«جايىق ٶزەنٸندە بالىقتىڭ قىرىلۋى بويىنشا العاشقى فاكت انىقتالعان كەزدە - ٶتكەن جىلدىڭ جەلتوقسان ايىندا بٸردەن ۆەدومستۆوارالىق كوميسسييا قۇرىلعان بولاتىن. ونىڭ قۇرامىنا بارلىق جاۋاپتى مەملەكەتتٸك ورگانداردىڭ - قالالىق ەكٸمدٸكتەن باستاپ تابيعات قورعاۋ پروكۋراتۋراسىنىڭ ٶكٸلدەرٸ كٸردٸ. ەۋ باستا ەرتٷرلٸ نۇسقالار ايتىلىپ جاتتى. مەسەلەن, قاتال قىستا مۇزدىڭ قالىڭدىعىنان وتتەگٸنٸڭ جەتٸسپەي قالۋى سالدارىنان بالىقتار تۇنشىعىپ قالدى دەگەن بولجام بولدى. بۇدان بٶلەك, بالىقتىڭ قىرىلۋىنا ەپيدەمييا سەبەپ بولدى دەگەن بولجام دا ايتىلىپ جاتتى. اقىرى, كوميسسييا - بۇعان حيمييالىق ۋلانۋ سەبەپ بولدى دەگەن شەشٸمگە كەلدٸ», - دەدٸ دەۋرەن اباەۆ «حابار» ارناسىنداعى «اشىق ديالوگ» باعدارلاماسىندا.
مينيستر سونىمەن بٸرگە بۇل جاعدايعا كٸم كٸنەلٸ دەگەن سۇراققا جاۋابىن بەرە كەتتٸ.
«قازٸرگٸ ۋاقىتتا ماعان بەلگٸلٸ بولىپ وتىرعانداي, ٶزەنگە زيياندى حيميكاتتاردى شىعاردى دەگەن كٷدٸككە 4 كومپانييا ٸلٸگٸپ وتىر. وسى كومپانييالاردىڭ بەرٸنە تەكسەرٸس جٷرگٸزٸلٸپ جاتىر. بٸراق, كٸمنٸڭ ناقتى ايىپتى ەكەنٸن تەرگەۋ كٶرسەتەدٸ. ەڭ باستىسى, تۇتىنۋعا كەلمەيتٸن بالىقتى دٷكەندەردٸڭ سٶرەسٸنە تٷسٸپ كەتپەۋٸ باعىتىندا بارلىق شارالار قولعا الىنىپ جاتىر. بۇل شارۋامەن تيٸستٸ قىزمەتتەر, ۆەتەرينارييا مەن سانەپيدەمستانتسييا قىزمەتتەرٸ اينالىسۋدا. ولار اتىراۋ قالاسىنىڭ دٷكەندەرٸنە كٷندەلٸكتٸ رەيد جٷرگٸزٸپ جٷر», - دەيدٸ دەۋرەن اباەۆ.
