قر اقپارات جەنە قوعامدىق دامۋ مينيسترٸ دەۋرەن اباەۆ «قازاقستاننىڭ 100 جاڭا ەسٸمٸ» جوباسى نە ٷشٸن كەرەكتٸگٸن ايتتى, دەپ حابارلايدى قازاقپارات.
ۆەدومستۆو باسشىسى «100 جاڭا ەسٸم» جوباسى تەۋەلسٸزدٸك جىلدارىندا ەلٸمٸزگە وڭ ىقپالىن تيگٸزگەن ازاماتتاردى ناسيحاتتاۋ, ولاردىڭ ەڭبەك تەجٸريبەسٸن تانىستىرۋ ماقساتىندا ۇيىمداستىرىلعانىن ەسكە سالدى.
«وسى جوبا ارقىلى تٷرلٸ سالادا قازاقستاندا دارىندى جاستار بار ەكەنٸن كٶرسەتكٸمٸز كەلەدٸ. بٷگٸندە ولاردىڭ تابىستى تەجٸريبەسٸ كٶپتەپ كەزدەسەدٸ. ٶكٸنٸشكە قاراي, كٷندەلٸكتٸ ٶمٸردەگٸ قاربالاس جۇمىستارمەن وسى ادامداردى بايقاماي جٷرۋٸمٸز مٷمكٸن. سوندىقتان بۇل ادامداردىڭ تابىستى ەڭبەك تەجٸريبەسٸمەن ماقتان تۇتاتىنىمىزدى كٶرسەتكەنٸمٸز جٶن», - دەدٸ د. اباەۆ ەلوردادا ٶتكەن باسپاسٶز مەسليحاتىندا.
وسى ورايدا مينيستر «100 جاڭا ەسٸمگە» لايىقتى ادامدار جايىندا كٶبٸرەك ايتۋ ارتىق بولمايتىنىن, وسى ادامدار قيىندىقتى قالاي ەڭسەرگەنٸ بارشاعا ٷلگٸ ەكەنٸن جەتكٸزدٸ.
«وسى ادامداردىڭ ٶمٸر جولى ٶسكەلەڭ ٷرپاقتى ىنتالاندىرۋى كەرەك, ياعني ٷلگٸ بولۋى تيٸس. بۇل تۇرعىدا كٶپبالالى وتباسىلاردان شىققان بالالار ٷشٸن ٷلگٸ بولاتىنى انىق. ٶيتكەنٸ اتالعان جوباعا قاتىسۋشىلاردىڭ كٶبٸسٸ كٶپبالالى وتباسىلاردىڭ تەربيەسٸندە بولدى. ولار بٷگٸندە تٷرلٸ سالادا ەلەۋلٸ تابىسقا جەتٸپ وتىر», - دەدٸ د. اباەۆ.
بۇدان بۇرن حابارلانعانداي, 2019 جىلدىڭ 1 قازانىنان باستاپ 100janaesim.ruh.kz سايتىندا «قازاقستاننىڭ 2019 جىلعى 100 جاڭا ەسٸمٸ: جاس قازاقستاندىقتاردىڭ تابىس تاريحى» جوباسىنا ٶتٸنٸمدەر قابىلداۋ باستالادى.
