فوتو: Olympic.kz
مەجٸلٸس دەپۋتاتى دەۋلەت تۇرلىحانوۆ ٶزٸنٸڭ ەلەۋمەتتٸك جەلٸدەگٸ پاراقشاسىندا ەسكەري گورنيزوننان قاشقان ۇلىنا قاتىستى پٸكٸر بٸلدٸردٸ, - دەپ حابارلادى "ۇلت اقپارات".
"سوڭعى 5 ايدا ەلەۋمەتتٸك جەلٸلەردە ۇلىما قاتىستى جاعدايعا بايلانىستى ٶتە كٶپ اقپارات شىعىپ جاتىر. يە, بۇل جاعدايدىڭ بولعانى راس, الايدا ونى قوعامدىق ورتاعا قايتا-قايتا سالا بەرۋدٸڭ جٶنٸ جوق دەپ ەسەپتەيمٸن. جاعداي ورىن العاندا, مەن ٶز پٸكٸرٸمدٸ اشىق ايتقانمىن. بارلىق جاعداي زاڭ جٷزٸندە شەشٸلۋٸ كەرەك دەگەنمٸن.
قازٸرگٸ كەزدە قوعامدىق ورتادا مەنٸڭ ۇلىمنىڭ بٸر قاتەلٸگٸنەن باسقا, قانشاما ايتىلاتىن ٶزەكتٸ مەسەلەلەر بار ەمەس پە?! وسى ورايدا, ۇلىما بايلانىستى جاعدايدىڭ قوعامدا ٷلكەن اقپاراتقا اينالعانى تٷسٸنٸكسٸز. جارايدى, اقپاراتتار شىعىپ جاتىر, وسى ارقىلى حايپ جيناپ, قوعامدا رەيتينگٸن ٶسٸرەمٸن دەگەندەر ٶز ماقساتىنا جەتكەن شىعار. ەندٸ مەنٸڭ ويىمشا بۇل مەسەلەنٸ وسى جەردەن دوعارعانىمىز دۇرىس", - دەيدٸ سپورت ارداگەرٸ.
تۇرلىحانوۆتىڭ ايتۋىنشا, بارلىق اقپارات ونىڭ ۇلىنا ٷلكەن پسيحولوگييالىق اۋىرتپالىق تٷسٸرٸپ جٷر.
"ول ەلٸ جاپ-جاس جٸگٸت. ونىڭ جاساعانى - ديزەرتيرلٸك ەمەس, بىلايشا ايتقاندا, بالالىققا سالىنىپ «ساموۆولكاعا» شىعىپ كەتكەنٸ. مەن ۇلىمنىڭ قازاقستان قارۋلى كٷشتەرٸنٸڭ ساپىندا جاۋىنگەر بولىپ جٷرگەنٸن ماقتان ەتەمٸن. ول جاستىقتىڭ جالىنىمەن قاتەلٸك جاساعانى تٷسٸنٸكتٸ. عاشىق بولىپ جٷرگەن بالا, سٷيگەن قىزى كەلگەن ەكەن, سوعان شىعىپ كەتكەن. بۇل ەندٸ جاستىق سەزٸم, ماحاببات سەزٸمٸ. ەرينە, مەن ونى اقتامايمىن. قاي اتا-انا ٶزٸنٸڭ بالاسىن جامان بولسىن دەيدٸ?!
وسى جاعدايعا بايلانىستى اقپاراتتاردان حاباردار بولىپ وتىرعان بالامنىڭ قازٸرگٸ پسيحولوگييالىق جاعدايى مەنٸ قاتتى الاڭداتادى. قۇداي ساقتاسىن, وسى جاعداي بالامنىڭ تاعدىرىن تەلكەككە سالىپ, قانداي دا بٸر وقىس ەرەكەتكە بارۋىنا سەبەپ بولسا, مەن دە ٶز تاراپىمنان قاراپ قالمايمىن, قولدانىستاعى زاڭ شەڭبەرٸندە ەرەكەت ەتەمٸن, - دەيدٸ ول.
دەپۋتات بۇل مەسەلەگە قاتىستى تٷسٸنٸستٸكپەن قاراۋدى سۇرادى.
"مەن - ٶمٸرٸمنٸڭ باسىم بٶلٸگٸن ٷلكەن سپورتقا ارناعان اداممىن. ون جىل سسسر قۇراماسىندا كٷرەستٸم, تەۋەلسٸز قازاقستاننىڭ تۋىن تۇڭعىش رەت وليمپيادا ويىندارىندا كٶتەرٸپ شىقتىم. ٶزٸم سپورتتى قويعاننان كەيٸن, باپكەر رەتٸندە ازييا, ازييا ويىندارى, ەلەم جەنە وليمپيادا چەمپيوندارىن تەربيەلەپ شىعاردىم. مەن قازاقتىڭ ۇلى بولعانىما ماقتانامىن! قازاق ٷشٸن تٶگٸلگەن قارا تەرٸم مەن ٶلشەۋسٸز ەڭبەگٸمدٸ حالقىم باعالاعان, ەلٸ دە باعالاپ, قۇرمەتتەپ كەلەدٸ.
بٷگٸنگٸ كٷندەگٸ ابىرويىم وراسان ەڭبەكتٸڭ ارقاسىندا كەلگەن. ال مەنٸڭ ۇلىممەن بولعان بٸر عانا جاعداي حالىق الدىنداعى ابىرويىمدى تٷسٸرە المايدى. قوعامدى دٷرلٸكتٸرٸپ, اقپارات تاراتىپ جٷرگەندەر وسىنى تٷسٸنسە ەكەن دەيمٸن.
قۇرمەتتٸ دوستار! تاعى دا قايتالاپ ايتقىم كەلەدٸ, ۇلىما قاتىستى تەرگەۋ امالدارى جٷرگٸزٸلٸپ جاتىر. بەرٸ زاڭ شەڭبەرٸندە شەشٸلەتٸن بولادى. تٷسٸنٸستٸكپەن قاراۋلارىڭىزدى سۇرايمىن, - دەپ جازدى دەۋلەت تۇرلىحانوۆ.
