الماتىلىق «قايرات» كلۋبى شابۋىلشى داستان ساتپاەۆتىڭ كوماندا ساپىنداعى سوڭعى ويىندارىن ٶتكٸزەتٸنٸن رەسمي تٷردە مەلٸمدەدٸ, دەپ حابارلايدى ult.kz.
كلۋب مەلٸمەتٸنشە, داستان وسىدان ون جىل بۇرىن «قايرات» اكادەميياسىنا ٷلكەن ارمانمەن كەلٸپ, ۋاقىت ٶتە كەلە نەگٸزگٸ قۇرامنىڭ كٶشباسشىلارىنىڭ بٸرٸنە اينالدى. ول كلۋب تاريحىنداعى رەكورد يەلەرٸنٸڭ قاتارىنان ورىن الىپ, قازٸرگٸ قۇرامنىڭ ەڭ نەتيجەلٸ ويىنشىسى اتاندى ەرٸ جانكٷيەرلەردٸڭ زور ىقىلاسىنا بٶلەندٸ.
ەندٸ فۋتبولشى «قايراتتاعى» جولىن اياقتاپ, مانسابىن ەۋروپادا جالعاستىرۋعا دايىندالىپ جاتىر. كلۋب جانكٷيەرلەردٸ ونىڭ سوڭعى ماتچتارىنا كەلٸپ, ٶز تٷلەگٸن لايىقتى تٷردە شىعارىپ سالۋعا شاقىردى.
13 ماۋسىم كٷنٸ «قايرات» ٶز الاڭىندا «اتىراۋدى» قابىلدايدى, ال 17 ماۋسىمدا «قىزىلجارمەن» كەزدەسەدٸ. بۇل ويىندار داستان ساتپاەۆ ٷشٸن لوندوندىق «چەلسي» كلۋبىنا اۋىسار الدىنداعى «قايرات» جەيدەسٸندەگٸ سوڭعى ماتچتار بولماق.
سونداي-اق «قىزىلجارعا» قارسى كەزدەسۋدەن كەيٸن ورتالىق ستاديوندا فۋتبولشىعا ارنالعان ارنايى قوشتاسۋ رەسٸمٸ ٶتەدٸ.
