مەجٸلٸس دەپۋتاتى دارحان مىڭباي كەشە «Egemen Qazaqstan» گازەتٸندە جارييالانعان پرەزيدەنت قاسىم-جومارت توقاەۆتىڭ «تەۋەلسٸزدٸك بەرٸنەن قىمبات» اتتى ماقالاسىنا قاتىستى پٸكٸر بٸلدٸردٸ.
«مەملەكەت باسشىسى قاسىم-جومارت توقاەۆ «تەۋەلسٸزدٸك بەرٸنەن قىمبات» اتتى ماقالاسىندا ازاتتىقتىڭ قادٸر-قاسيەتٸن, ۇلت تاريحىنىڭ مەن-ماڭىزىن, قۇندىلىقتار ساباقتاستىعىنىڭ جاي-جاپسارىن بٷگٸنگٸ سىن-قاتەرلەر اياسىندا تٷسٸندٸرەدٸ. اتقان تاڭداي اقيقات سول - تاريح قاشاندا جاس ۇرپاق ٷشٸن قاجەت» دەيدٸ حالىق قالاۋلىسى.
ونىڭ ايتۋىنشا, پرەزيدەنت مەسەلەنٸ جاڭا قىرىنان قويىپ وتىر.
«ۇلتتىق مٷددەمٸزگە ساي كەلەتٸن كٶپتومدىق جاڭا تاريحىمىز ەلٸ تولىق جازىلعان جوق. ونىڭ تۇجىرىمداماسىن بۇعان دەيٸنگٸ ولقىلىقتاردى ەسكەرە وتىرىپ قايتا قاراپ, جاڭا عىلىمي ۇستانىمدار مەن جاڭالىقتاردىڭ نەگٸزٸندە تىڭنان جازاتىن ۋاقىت ەلدەقاشان كەلدٸ» دەلٸنگەن ماقالادا. بۇل - ساباقتاستىق جولى. ەستەرٸڭٸزدە بولسا, ەلباسى نۇرسۇلتان نازارباەۆ ناقتى تاريحي مەلٸمەت بەرەتٸن وقۋلىق تٷزۋ تۋرالى تيٸستٸ قۇرىلىمدارعا تاپسىرعان بولاتىن. بارلىق مەسەلە بٸلٸكتٸ ماماندارعا كەلٸپ تٸرەلەدٸ. ەيتسە دە ەلباسى ٶزٸ باستاما كٶتەرٸپ, «بولاشاققا باعدار: رۋحاني جاڭعىرۋ», «ۇلى دالانىڭ جەتٸ قىرى» اتتى تۇجىرىمدامالىق تاريحي ماقالالار جازدى. قاسىم-جومارت توقاەۆتىڭ «تەۋەلسٸزدٸك بەرٸنەن قىمبات» ماقالاسى - تەۋەلسٸزدٸكتٸڭ 30 جىلدىعىنىڭ قۇلاق كٷيٸ. ٷلكەن تاريحتى باعالاۋدىڭ جاڭا پلاتفورماسى. جاڭاشىل كونتسەپتسييا. ٶتكەن كٷن, قازٸرگٸ شاق, بولاشاق اراسىن جالعايتىن رۋحاني تانىم ارقاۋى. قازٸر وتان تاريحىنا جاۋاپتى عىلىمي مەكەمەلەر, تيٸستٸ مينيسترلٸك, ۋنيۆەرسيتەتتەردەگٸ كافەدرالار مەن عىلىمي-زەرتتەۋ ورتالىقتار بار. قانشاما ۋاقىت ٸشٸندە مەملەكەتتٸك ماڭىزى بار تاپسىرمانىڭ ورىندالماۋى - ۇيىمداستىرۋ جۇمىسىنداعى كەمشٸلٸكتٸڭ كٶرٸنٸسٸ. نەمەسە جاۋاپتى تۇلعالاردىڭ تٸكەلەي قىزمەتتٸك مٸندەتتەرٸن ورىنداۋعا قابٸلەتسٸزدٸگٸ. بۇل - اششى سىن, بٸراق حالىق سىنى!» دەيدٸ دارحان مىڭباي.
دەپۋتاتتىڭ سٶزٸنە سەنسەك, ەندٸ مەسەلەنٸ تەز باعامداپ, تٷبەگەيلٸ شارالاردى ٸسكە اسىراتىن ناقتى مەرزٸمدەردٸ بەلگٸلەۋ - تەۋەلسٸزدٸكتٸڭ تالابى.
«ەرينە, بۇل ٸسكە ەڭ بٸلٸكتٸ وتاندىق تاريحشىلار مەن باسقا دا گۋمانيتارلىق عىلىم ٶكٸلدەرٸن تارتۋ - ماڭىزدى ٸس. ساراپشىلاردىڭ دەڭگەيٸ مەن تەجٸريبەسٸ, تالابى مەن تالعامى جوعارى بولۋعا تيٸس. تٷپتەپ كەلگەندە, بۇل - تاريحىمىزدىڭ الدىنداعى, مەملەكەتٸمٸزدٸڭ الدىنداعى جاۋاپكەرشٸلٸك. كەزەك كٷتتٸرمەس مٸندەت. بۇل جاڭا بۋىن, جاس تالاپتار ٷشٸن اۋاداي قاجەت. ٶيتكەنٸ, وتاندى سٷيۋ مەملەكەتتٸك تٸلدٸ مەڭگەرۋدەن, تاريحتى بٸلۋدەن باستالادى» دەپ تٷيٸندەدٸ سٶزٸن مەجٸلٸس دەپۋتاتى.
.jpeg)