ورالدا مەديتسينا قىزمەتكەرلەرٸن ەمتيحانسىز اتتەستاتتاپ كەلگەن زاڭسىز سحەما ەشكەرەلەندٸ. تەرگەۋ مەلٸمەتٸنشە, تٶرت ادام جەتٸ جىل بويى دەرٸگەرلەردٸڭ ورنىنا ونلاين تەست تاپسىرىپ, شامامەن 4 ميلليون تەڭگە تابىس تاپقان, دەپ حابارلايدى ult.kz.
سوت ماتەريالدارىنا سەيكەس, سەرتيفيكات نەمەسە بٸلٸكتٸلٸك ساناتىن العىسى كەلگەن مەديتسينا قىزمەتكەرلەرٸ دەلدالدارعا جٷگٸنگەن. ۇيىمداستىرۋشىلار AnyDesk جەنە Radmin باعدارلامالارى ارقىلى كومپيۋتەرلەرگە قاشىقتان قوسىلىپ, تەست سۇراقتارىنا ٷمٸتكەرلەردٸڭ ورنىنا جاۋاپ بەرگەن.
تەرگەۋ نۇسقاسى بويىنشا, سحەمانى "تەۋەلسٸز ەمتيحان الۋدىڭ ۇلتتىق ورتالىعىنىڭ" ٶڭٸرلٸك ساراپشىسى ۇيىمداستىرعان. ال زاڭسىز اتتەستاتسييادان ٶتكەن مەديتسينا قىزمەتكەرلەرٸنە تٶلەنگەن ٷستەماقى كٶلەمٸ 16,5 ميلليون تەڭگەگە جەتكەن.
ايىپتالۋشىلار كٸنەلارىن تولىق مويىندادى. سوت ولاردىڭ ەرقايسىسىنا بٸر جىل باس بوستاندىعىن شەكتەۋ جازاسىن تاعايىندادى. الايدا كونستيتۋتسييانىڭ 30 جىلدىعىنا وراي جارييالانعان راقىمشىلىققا بايلانىستى ولار نەگٸزگٸ جازادان بوساتىلدى. ٷكٸم ەزٸرگە زاڭدى كٷشٸنە ەنگەن جوق.
