دەرٸگەرلەر كوروناۆيرۋس ينفەكتسيياسىن جۇقتىرعان الماتىداعى تٶرت ناۋقاستىڭ جاعدايى تۋرالى ايتىپ بەردٸ, دەپ حابارلايدى قازاقپارات.
«قازٸرگٸ ۋاقىتتا كوروناۆيرۋس ينفەكتسيياسى راستالعان دياگنوزى بار 4 ناۋقاس جاتىر. ولاردىڭ ٷشەۋٸنٸڭ جاعدايى قاناعاتتانارلىق. بٸرەۋٸ ورتاشا اۋىر جاعدايدا. ولار بەكٸتٸلگەن حاتتاما بويىنشا ەم الۋدا. ۆيرۋسقا قارسى جەنە سيمپتوماتيكالىق تەراپييا ۋاقىتىندا باستالدى. قازٸر ولارمەن قارىم-قاتىناستا بولعان ادامدار انىقتالىپ, جۇقپالى اۋرۋلار اۋرۋحاناسىنا جاتقىزىلدى. قارىم-قاتىناستا بولعان ادامدار دەرٸگەرلەردٸڭ باقىلاۋىندا. ولارعا ٷش ساعاتتىق تەرمومەترييا جٷرگٸزٸلٸپ جاتىر. كوروناۆيرۋس جۇقتىرعاندارمەن قارىم-قاتىناستا بولعان ازاماتتاردىڭ بەرٸنٸڭ جاعدايى قاناعاتتانارلىق. تەمپەراتۋرالارى كٶتەرٸلۋٸ نەمەسە اۋرۋدىڭ باسقا بەلگٸلەرٸ انىقتالعان جوق», - دەيدٸ دەرٸگەر ايگٷل ەبدٸراحمانوۆا.
ونىڭ ايتۋىنشا, اۋرۋحاناداعى بارلىق مەديتسينا قىزمەتكەرٸ كوروناۆيرۋس ينفەكتسيياسىنىڭ الدىن الۋ جەنە ەمدەۋ بويىنشا جۇمىس ٸستەۋگە وقىتىلىپ, دايىندالعان.
ماماندار كوروناۆيرۋستىڭ تارالۋىنا جول بەرمەۋ ٷشٸن الدىن الۋ شارالارىن ساقتاۋ كەرەكتٸگٸن ەسكەرتەدٸ. تۇرعىندارعا حالىق كٶپ جينالاتىن ورىندارعا بارۋدان ۋاقىتشا باس تارتقان جٶن. سونداي-اق دەرٸگەرلەر جۇقپالى دەرتتەن قورعانۋ ٷشٸن قولدى سابىنمەن جيٸ جۋىپ تۇرۋعا كەڭەس بەرەدٸ.
ەسكە سالا كەتسەك, 14 ناۋرىزدا ەلوردادا ٶتكەن باسپاسٶز مەسليحاتىندا دەنساۋلىق ساقتاۋ مينيسترٸ ەلجان بٸرتانوۆ قازاقستاندا ەكٸ ادامنىڭ كوروناۆيرۋس جۇقتىرعانىن جەتكٸزگەن ەدٸ. كٶپ ۋاقىت ٶتپەي ميلان قالاسىنان نۇر-سۇلتانعا كەلگەن تاعى بٸر قازاقستاندىقتان كوروناۆيرۋس ينفەكتسيياسى تابىلدى.
كەيٸن گەرمانييادان ۇشىپ كەلگەن قازاقستان ازاماتىنان كوروناۆيرۋس انىقتالدى.
ال بٷگٸن تاعى ەكٸ ازاماتتىڭ وسى دەرتتٸ جۇقتىرعانى بەلگٸلٸ بولدى. وسىلايشا بۇل دەرتكە شالدىققاندار سانى 6 ادامعا جەتٸپ وتىر.
