كوروناۆيرۋسپەن كٷرەستە الدىڭعى قاتاردا جٷرگەن ەلوردانىڭ مەديتسينا ماماندارى قالا تۇرعىندارىن سانيتارلىق-ەپيدەميولوگييالىق نورمالاردى ساقتاۋعا شاقىردى, دەپ حابارلايدى قازاقپارات.
كوروناۆيرۋسپەن اۋرۋحاناعا تٷسۋشٸلەردٸڭ كٶبەيۋٸن ەسكەرە وتىرىپ, مەديتسينا قىزمەتكەرلەرٸ كارانتين رەجيمٸن ساقتاۋ بويىنشا الدىن الۋ شارالارىن ۇمىتپاۋ كەرەكتٸگٸن ەسكە سالدى.
«كٷزدە ناۋقاس سانى از بولدى. كەيبٸرٸ تٸپتٸ ۆيرۋس توقتادى دەپ ويلاعان بولسا كەرەك. بٸراق ينفەكتسييا تٷبەگەيلٸ جويىلعان جوق. كوروناۆيرۋس ٷدەپ تۇرعان شاقتا كٷن مەن تٷندٸ ايىرا الماعان كەزٸمٸز بولدى. ۋاقىتقا قاراپ, قاي شاقتا جۇمىس ٸستەۋٸمٸز كەرەكتٸگٸن ويلاعان جوقپىز. كوروناۆيرۋستىڭ كٷرت ٶرشۋٸ مەن تارالۋىنىڭ قايتالانۋىنا جول بەرمەۋٸمٸز كەرەك. كەيبٸرٸ قالا ٸشٸن بەتپەردەسٸز ارالاپ, سانيتارلىق نورمالاردى ەلەمەي جاتقاندارى بار. ال بٸز مۇندا كٷن سايىن ناۋقاستاردىڭ دەنساۋلىعى مەن ٶمٸرٸ ٷشٸن كٷرەسٸپ جٷرمٸز», - دەيدٸ قالالىق جۇقپالى اۋرۋلار ورتالىعىنىڭ دەرٸگەرٸ.
ستاتسيوناردا كوروناۆيرۋستان ەمدەلٸپ جاتقان ەيگەرٸم ٶمٸرجانوۆا اۋرۋحانا تٶسەگٸنە تاڭىلاتىنىنا سەنبەگەنٸن ايتادى.
«بۇل قاۋٸپتٸ ۆيرۋستىڭ ەلٸمٸزگە زييان تيگٸزگەنٸنە بٸر جىلعا جۋىق ۋاقىت بولدى. وسى ۋاقىت ٸشٸندە مەن الاڭسىز جٷرٸپ, دەنساۋلىعىم تۋرالى ويلاعان ەمەسپٸن, ۆيرۋس جوق دەپ تە ويلادىم. بٸراق ٶزٸمدٸ ناشار سەزٸنگەن سەتتەن باستاپ, بٸردەن مەديتسينالىق كٶمەككە جٷگٸندٸم. ٶكٸنٸشكە قاراي, مەنەن كوروناۆيرۋس شىقتى. شىنىمدى ايتسام, مۇنداي جاعدايعا تاپ بولامىن دەپ ويلاماعان ەدٸم. بۇل ەشقانداي دا ەزٸل ەمەس ەكەن», - دەدٸ ا.ٶمٸرجانوۆا.
ەستەرٸڭٸزگە سالا كەتەيٸك, قالادا بٸرقاتار كارانتيندٸك شەكتەۋ شارالارى ەنگٸزٸلگەن. قالا تۇرعىندارى ماسكا رەجيمٸن, ەلەۋمەتتٸك قاشىقتىقتى ساقتاۋى, قولدارىن انتيسەپتيكپەن ٶڭدەۋٸ قاجەت. سوڭعى بٸر تەۋلٸكتە نۇر-سۇلتاندا كوروناۆيرۋستىڭ 91 جاعدايى تٸركەلدٸ. جالپى, پاندەمييا باستالعالى ٸندەت 21 576 ادامنان انىقتالدى. كوروناۆيرۋستىڭ تارالۋ قاۋپٸ بويىنشا ەلوردا «قىزىل» ايماقتا تۇر.
