ۇلتتىق بانك شەتەلدەگٸ شوتتاردا جاتقان كاپيتالدى ەلگە قايتارۋ جولدارىن ۇسىندى, دەپ حابارلايدى Sputnik قازاقستان تٸلشٸسٸ.
بٷگٸن مەجٸلٸستە "ۆاليۋتالىق رەتتەۋ جەنە ۆاليۋتالىق باقىلاۋ تۋرالى" قر زاڭ جوباسى قارالدى. وسى زاڭ جوباسى تۋرالى بايانداما جاساعان ۇلتتىق بانك تٶراعاسى دانييار اقىشەۆتەن دەپۋتات ومارحان ٶكسٸكباەۆ شەتەلدەگٸ شوتتاردا جاتقان ميللياردتاعان دوللاردى ەلگە قايتارۋعا قاتىستى قانداي جوسپار جاسالىپ جاتقانىن سۇرادى.
"ەلٸمٸزدە جوعالعان ۆاليۋتا كٷننەن-كٷنگە ارتىپ بارا جاتقانى بەلگٸلٸ. سٸزدٸڭ ورىنباسارىڭىز وسى پارلامەنت قابىرعاسىندا ەلٸمٸزگە قايتپاعان اقشا 17 ميلليارد دوللاردان اسىپ كەتكەنٸن ايتقان بولاتىن. ونىڭ 7 ميلليارد دوللارى 3 جىلدان 10 جىلعا دەيٸن ەلٸ قايتپاي جاتىر. جىل باسىندا ٷكٸمەتتٸڭ كەڭەيتٸلگەن وتىرىسىندا ەلباسى "بٸزگە قاۋقارسىز ۇلتتىق بانكتٸڭ كەرەگٸ جوق" دەپ ايتقان ەدٸ. سٸزدەردٸڭ باقىلاۋ-قاداعالاۋ فۋنكتسييالارىڭىزدى ارتتىرۋ كەرەكتٸگٸن مەلٸمدەدٸ. ال ەندٸ مىنا زاڭ جوباسىندا سٸز تاعى قاۋقارسىز باعىتتى ۇسىنىپ وتىرسىز. وسى مەسەلەنٸ بٸز قالاي دۇرىس جولعا قويامىز? شەتەلدەگٸ ميللياردتاعان دوللاردى قالاي ەلگە قايتارماقسىز?", — دەپ تٶتەسٸنەن سۇرادى دەپۋتات.
ۇلتتىق بانك تٶراعاسى مۇنىڭ شىنىمەن دە ٶتە قيىن مەسەلە ەكەنٸن مويىندادى. اقىشەۆ قارالىپ وتىرعان زاڭ جوباسىندا ەلگە اقشانى قايتارۋعا قاتىستى ٸس-قيمىل ەكٸ تەتٸكپەن كٷشەيتٸلگەنٸن تٸلگە تيەك ەتتٸ.
"ەلدەگٸ كاپيتالدى ەكسپورت-يمپورت وپەراتسييالارى ارقىلى سىرتقا شىعارۋ مەسەلەسٸ مەملەكەتتٸك ورگاندارمەن تالقىلاندى. زاڭ جوباسىنا مىناداي نورما ەنگٸزٸپ وتىرمىز: ەگەر رەپاترياتسييا (ەلگە قايتارۋ – اۆتور ەسكەرت.) 720 كٷننەن اسىپ كەتسە, بٸز مۇنداي وپەراتسييالاردى كٷمەندٸ وپەراتسييالار قاتارىنا جاتقىزامىز. بۇل نەنٸ بٸلدٸرەدٸ? قازٸرگٸ زاڭناما بويىنشا بٸز مۇنداي سيپاتتاعى وپەراتسييالارعا ەشقانداي شارا قولدانا المايمىز. ەگەر بٸز تٸكەلەي شەكتەۋ ەنگٸزسەك, وندا وبەكتيۆتٸ سەبەپتەرمەن كەلٸسٸمشارتىن ۇزارتۋعا مەجبٷر بولاتىن ادال كەسٸپكەرلەرگە قيىن بولادى. ال تولىعىمەن تىيىم سالساق, وندا قازاقستاننىڭ سىرتقى ەكونوميكالىق قىزمەتٸ ەدەۋٸر ناشارلاپ كەتۋٸ مٷمكٸن. سوندىقتان ەڭ دۇرىسى, بۇل مەسەلەنٸ جان-جاقتى زەرتتەپ, پىسىقتاۋ قاجەت", — دەدٸ ول.
اقىشەۆ شەتەلدەگٸ كاپيتالدى ەلگە قايتارۋدا رەسەي تەجٸريبەسٸن ٷلگٸ ەتتٸ.
"رەسەيدە تٸكەلەي شەكتەۋ جوق, بٸراق ولار ورتالىق بانك, مەملەكەتتٸك كٸرٸس, قارجى مونيتورينگٸ ورگاندارىمەن ٶتە تىعىز جۇمىس ٸستەۋ ارقىلى كاپيتالدىڭ سىرتقا شىعۋىمەن بەلسەندٸ كٷرەسٸپ وتىر. بٸز دە وسىنى جٷزەگە اسىرۋدى كٶزدەپ وتىرمىز. بٸراق قازٸرگٸ زاڭناما بۇعان جول بەرمەيدٸ. سوندىقتان ۇسىنىلىپ وتىرعان زاڭ جوباسىندا ەڭ بٸرٸنشٸ, تٸكەلەي اقپارات الماسۋ قاراستىرىلعان. ەكٸنشٸسٸ, وسىنداي وپەراتسييالاردى كٷمەندٸ وپەراتسيياعا جاتقىزۋ. ياعني, قانداي دا بٸر كٷمەن تۋسا, بٸز شارا قولدانامىز", — دەدٸ بانك تٶراعاسى.
