«اق جول» پارتيياسىنان پرەزيدەنتتٸككە ٷمٸتكەر دانييا ەسپاەۆانى قولداۋ ٷشٸن ەلٸمٸزدٸڭ ٸرٸ قالالارى نۇر-سۇلتان, الماتى جەنە شىمكەنتتە اۆتوجارىس ٶتتٸ, دەپ حابارلايدى "ۇلت اقپارات" شتابتىڭ باسپاسٶز قىزمەتٸنە سٸلتەمە جاساپ.
شارانى ۇيىمداستىرۋشى - دانييا ەسپاەۆانىڭ سايلاۋالدى شتابى. اكتسيياعا بارلىعى جٷزدەگەن اۆتوكٶلٸك قاتىستى.
ەلوردادا 30 اق تٷستٸ ماشينادان تۇراتىن تٸزبەك ٶز جولىن مەڭگٸلٸك ەل داڭعىلىنداعى «اق جول» پارتيياسىنىڭ كەڭسەسٸنەن باستادى. ۇيىمداستىرۋشىلاردىڭ سٶزٸنشە, ماشينالاردىڭ اق تٷستٸ بولۋى بەكەر ەمەس, ول «اق جول» پارتيياسىنىڭ اتاۋىمەن تٸكەلەي بايلانىستى.
ەر كٶلٸك قازاقستانداعى تۇڭعىش ەيەل ٷمٸتكەردٸ قولداۋعا باعىتتالعان جالاۋشا, ٷگٸت بەلگٸلەرٸمەن بەزەندٸرٸلدٸ. كٶلٸك جٷرگٸزۋشٸلەرٸنٸڭ مارشرۋتى ەلوردانىڭ ورتالىق كٶشەلەرٸ, كٶپٸر, داڭعىلداردى قامتىدى. جالپى العاندا, اكتسييا قاتىسۋشىلارى جٷزدەگەن شاقىرىمدى جٷرٸپ ٶتتٸ.
وسىنداي اۆتوجارىس الماتى مەن شىمكەنت مەگاپوليستەرٸندە دە ٶتتٸ.
