«Aq jol» partiiasynan prezidenttikke úmitker Daniia Espaevany qoldaý úshin elimizdiń iri qalalary Nur-Sultan, Almaty jáne Shymkentte avtojarys ótti, dep habarlaidy "Ult aqparat" shtabtyń baspasóz qyzmetine silteme jasap.
Sharany uiymdastyrýshy - Daniia Espaevanyń sailaýaldy shtaby. Aktsiiaǵa barlyǵy júzdegen avtokólik qatysty.
Elordada 30 aq tústi mashinadan turatyn tizbek óz jolyn Máńgilik el dańǵylyndaǵy «Aq jol» partiiasynyń keńsesinen bastady. Uiymdastyrýshylardyń sózinshe, mashinalardyń aq tústi bolýy beker emes, ol «Aq jol» partiiasynyń ataýymen tikelei bailanysty.
Ár kólik Qazaqstandaǵy tuńǵysh áiel úmitkerdi qoldaýǵa baǵyttalǵan jalaýsha, úgit belgilerimen bezendirildi. Kólik júrgizýshileriniń marshrýty elordanyń ortalyq kósheleri, kópir, dańǵyldardy qamtydy. Jalpy alǵanda, aktsiia qatysýshylary júzdegen shaqyrymdy júrip ótti.
Osyndai avtojarys Almaty men Shymkent megapolisterinde de ótti.
