دانييا ەسپاەۆا مەملەكەتتٸك مەديتسينالىق نىسانداردى ارزانعا ساتۋ فاكتٸلەرٸ جايىندا ايتتى

ونىڭ ايتۋىنشا, 2017 جىلدان باستاپ 5 دەپۋتاتتىق ساۋال جولدانعان, وندا ناقتى مىسالدار كەلتٸرٸلدٸ. اتاپ ايتقاندا, بۇل الماتى وبلىسىنداعى تالعار اۋداندىق اۋرۋحاناسىنا, پاۆلودار وبلىستىق دياگنوستيكالىق ورتالىعىنا قاتىستى بولدى. مىسالى, اۋدانى 7 000 شارشى مەتردەن اساتىن جەنە بارلىق جابدىقتارى بار اتالعان ورتالىق شارشى مەترٸنە 44 مىڭ تەڭگە باعامەن ساتىلدى.

«الماتى قالاسىنداعى بالالار ستوماتولوگييالىق كلينيكاسى قالالىق قوعامدىق دەنساۋلىق باسقارماسى باسشىسىنىڭ اعاسىنا ساتىلدى. كلينيكانىڭ ەسەپ شوتىندا 170 ملن تەڭگە بولا تۇرا جەنە جىل سايىنعى بيۋدجەتتٸك قارجىلاندىرۋ 260 ملن تەڭگەنٸ قۇراسا دا, العاشقى جارنا 92 ملن تەڭگەنٸ قۇرادى. مۇنىڭ بەرٸن جەكەشەلەندٸرۋ دەپ اتاۋعا بولمايدى, بۇل تازا «جاۋلاۋ». 2017-2020 جىلدارى بارلىعى 124 كلينيكانى جەكەشەلەندٸرۋ جوسپارلانعان بولاتىن. مەملەكەت نەمەسە قوعام بۇدان قانداي پايدا تاپتى – بۇل بٸز ٷشٸن دە قۇپييا. جەكەشەلەندٸرۋدٸڭ 2021-2025 جىلدارعا ارنالعان كەشەندٸ جوسپارىنا سەيكەس, تاعى 700 مەملەكەتتٸك كەسٸپورىن جەكەشەلەندٸرۋگە جاتادى, ولاردىڭ ٸشٸندە مەديتسينالىق وبەكتٸلەر دە بار», - دەدٸ دەپۋتات. 

ونىڭ سٶزٸنە قاراعاندا, 2021 جىلعى 12 قازانداعى «دەنٸ ساۋ ۇلت» ۇلتتىق جوباسى اياسىندا مەملەكەتتٸك-جەكەشەلٸك ەرٸپتەستٸك (مجە) تەتٸگٸ بويىنشا 20 ٸرٸ كٶپبەيٸندٸ اۋرۋحانا سالۋ كٶزدەلگەن. 

«كەشە سىبايلاس جەمقورلىققا قارسى ٸس-قيمىل كەڭەسٸندە پرەزيدەنت مەملەكەتتٸك-جەكەشەلٸك سالاسىندا سىبايلاس جەمقورلىققا قارسى باقىلاۋ قاجەتتٸگٸن اتاپ ٶتتٸ. ونى جٷزەگە اسىرۋعا بارلىق نەگٸز بار. «قازاقستاندىق مجە ورتالىعى» سايتىنا سەيكەس جوسپارلانعان مەديتسينالىق نىسانداردىڭ جالپى قۇنى شامامەن 3 ترلن تەڭگەنٸ قۇرايدى. (2 ترلن. 950 ملرد. تەڭگە). ەگەر مەملەكەتتٸك كلينيكالار ەڭ كٶپ دەگەندە 300-500 ملن تەڭگەگە ساتىلسا جەنە سيرەك جاعدايلاردا – 1-1,5 ملرد تەڭگەگە ساتىلسا, ال, ەدەتتە, سەنٸمگەرلٸكپەن باسقارۋ تٷرٸمەن «سىيعا تارتىلسا», وندا ولاردىڭ ورنىنا جاڭا كلينيكالارعا بيۋدجەتتەن جٷزدەگەن ميلليارد تەڭگە جۇمسالادى», - دەدٸ د. ەسپاەۆا. 

مەسەلەن, تٷركٸستان قالاسىنداعى كٶپبەيٸندٸ اۋرۋحانانىڭ وپەراتسييالىق شىعىندارىن, ينۆەستوردىڭ سىياقىسىن جەنە كرەديتتەر بويىنشا پايىزىن ەسكەرە وتىرىپ, 570 ورىننىڭ ينۆەستيتسييالىق شىعىندارى 480 ملرد تەڭگەنٸ قۇرايدى. «استانا مەديتسينا ۋنيۆەرسيتەتٸ» كەاق جانىنداعى 800 ورىندىق بٸرٸككەن ۋنيۆەرسيتەت اۋرۋحاناسىن سالۋعا جەنە پايدالانۋعا بەرٸلەتٸن تٶلەمدەر 900 ملرد تەڭگەگە دەيٸن جەتەدٸ. 

جوعارىدا ايتىلعاندارعا بايلانىستى «اق جول» دەپۋتاتتىق فراكتسيياسى كەلەسٸلەردٸ سۇرايدى: 

1) جەكەشەلەندٸرٸلگەننەن نەمەسە سەنٸمگەرلٸك باسقارۋعا بەرٸلگەننەن كەيٸن, بۇل مەكەمەلەر مەملەكەتتەن قانشا قاراجات العانىن حابارلاۋ. 

2) مجە اياسىندا جاڭا مەديتسينالىق نىساندار بويىنشا قۇرىلىسقا, قىزمەت كٶرسەتۋگە, باسقارۋعا, وپەراتسييالىق شىعىندارعا جەنە پايىزداردى تٶلەۋگە قانشا مەملەكەتتٸك قاراجات جوسپارلانعانىن حابارلاۋ. 

3) قوعامعا قازٸرگٸ كلينيكالاردى تٶمەن باعادا بەرۋدٸڭ جەنە جاڭا نىسانداردى تريلليونداپ قارجىلاندىرۋدىڭ مەنٸن, وسى سحەمالاردىڭ تٷپكٸ بەنەفيتسيارى كٸم ەكەنٸن تٷسٸندٸرۋ. 

4) حالىق پەن مەملەكەتتٸڭ مٷددەلەرٸنە تٸكەلەي قىسىم جاسالعان جاعدايدا, قالىپتاسقان كٶزقاراستاردى سىني تۇرعىدان قايتا قاراۋ قاجەت.