قازاقستاندىق تەننيسشٸ الەكساندر بۋبليك رەسەيلٸك سپورتشىلاردىڭ قازاقستان قۇراماسى ساپىندا ٶنەر كٶرسەتۋٸنٸڭ سەبەبٸن تٷسٸندٸردٸ. ول بۇل تۋرالى ۆيتيا كراۆچەنكومەن ەڭگٸمەسٸندە ايتىپ, ٶزٸنٸڭ جەنە ەلەنا رىباكينانىڭ مانسابىن مىسالعا كەلتٸردٸ, دەپ حابارلايدى ult.kz.
بۋبليكتىڭ ايتۋىنشا, تەننيستەگٸ كەسٸبي مانساپتى باستاۋ ٷشٸن سپورتشىعا ايتارلىقتاي قارجى قاجەت. جاتتىقتىرۋشى, حالىقارالىق جارىستارعا ۇشۋ, وقۋ-جاتتىعۋ جيىندارى مەن تۋرنيرلەرگە قاتىسۋ شىعىندارىن تالاپ ەتەدٸ.
تەننيسشٸنٸڭ سٶزٸنشە, رەسەيدە ونىڭ جەنە باسقا دا جاس سپورتشىلاردىڭ ەلەۋەتٸنە تيٸستٸ دەڭگەيدە مەن بەرٸلمەگەن. ال قازاقستان ولارعا قولداۋ كٶرسەتٸپ, كەسٸبي تۇرعىدا ٶسۋگە مٷمكٸندٸك بەرگەن.
ەڭگٸمە بارىسىندا ۆيتيا كراۆچەنكو بۋبليك پەن ەلەنا رىباكينانى رەسەي قۇراماسىنان كٶرگٸسٸ كەلەتٸنٸن ايتقان. الايدا بۋبليك مۇنداي قىزىعۋشىلىق سپورتشىلار ٷلكەن جەتٸستٸككە جەتكەننەن كەيٸن عانا پايدا بولعانىن اتاپ ٶتتٸ.
«لەنا وسىنداي دەڭگەيگە قازاقستاننىڭ ارقاسىندا جەتتٸ», – دەدٸ بۋبليك.
ول رىباكينانىڭ رەسەيدە قالعان جاعدايدا دەل وسىنداي نەتيجەگە جەتە الار-جەتپەسٸن ەشكٸم ناقتى ايتا المايتىنىن ايتتى.
بۋبليك ٶز مانسابىنا قاتىستى ۇستانىمىن دا اشىق بٸلدٸردٸ.
«مەن – قازاقستاندىق سپورتشىمىن», – دەدٸ تەننيسشٸ.
ونىڭ ايتۋىنشا, قازاقستانمەن بايلانىسى سپورتتىق مانسابى اياقتالعاننان كەيٸن دە جالعاسادى. بۋبليك مۇنى قيىن كەزەڭدە ٶزٸنە قولداۋ كٶرسەتكەن ادامدارعا دەگەن العىسى رەتٸندە تٷسٸندٸردٸ.
ايتا كەتەيٸك, 2008 جىلدان بەرٸ 14 رەسەيلٸك تەننيسشٸ قازاقستاننىڭ سپورتتىق ازاماتتىعىن قابىلداپ, ەل نامىسىن قورعاعان.
بۋبليكتىڭ پٸكٸرٸنشە, سپورتشىنىڭ جەتٸستٸگٸن تەك ونىڭ تۋعان جەرٸمەن بايلانىستىرۋ دۇرىس ەمەس. ونىڭ كەسٸبي قالىپتاسۋىنا سەنٸم بٸلدٸرٸپ, ناقتى قولداۋ كٶرسەتكەن ەلدٸڭ دە ٷلەسٸ بار.
