20 قىركٷيەكتە قازاقستاندا 2093 ادامنىڭ اناليزٸنەن كوروناۆيرۋس انىقتالدى. بۇل الدىڭعى كٷنمەن سالىستىرعاندا 345 ادامعا از. كەيٸنگٸ اپتالاردا ەلدە كوروناۆيرۋستىڭ بەتٸ قايتقانى بايقالادى. بٸراق كٷن سايىن ونداعان ادام ٶلٸمٸ تٸركەلٸپ جاتىر. جاعدايى اۋىر ناۋقاستاردىڭ سانى ەلٸ مىڭنىڭ اينالاسىندا.
دٷيسەنبٸ كٷنٸ الماتىدا – 415, قاراعاندى وبلىسىندا – 304, الماتى وبلىسىندا – 254, نۇر-سۇلتاندا – 190, پاۆلودار وبلىسىندا 183 ادامنىڭ پتر تەستٸ وڭ شىققان. قالعان وبلىستار مەن قالالاردا 150-دەن از ناۋقاس تٸركەلگەن.
ٸندەت باستالعالى بەرٸ 864 مىڭ ادامنىڭ پتر تەستٸ وڭ شىققان. 10 810-ٸ قايتىس بولعان. 19 قىركٷيەكتە 47 ادام كوروناۆيرۋستان قايتىس بولدى. بۇل الدىڭعى كٷننٸڭ كٶرسەتكٸشٸنە قاراعاندا 10 ادامعا كٶپ.
قازاقستاندا كوروناۆيرۋسقا ۇقساس پنەۆمونيياعا شالدىققاندار ەسەبٸ 2020 جىلدىڭ 1 تامىزىنان بەرٸ جٷرگٸزٸلٸپ كەلەدٸ. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن. بٸراق سوعان قاراماستان كوروناۆيرۋس پنەۆمونيياسىنا شالدىققاندار Covid ستاتيستيكاسىنا ەنگٸزٸلمەدٸ.
2020 جىلدىڭ تامىزىنان بەرٸ ەلدە 74 مىڭ كوروناۆيرۋس پنەۆمونيياسىنا شالدىققان. 4751 ادام قايتىس بولعان. 19 قىركٷيەكتە 11 ادام سودان كٶز جۇمعان.
قازٸر 68 مىڭ ادام كوروناۆيرۋستان ەمدەلٸپ جاتىر. 12,3 مىڭى ستاتسيوناردا جاتىر. 987 ادامنىڭ جاعدايى اۋىر, 261 ادامنىڭ جاعدايى تىم اۋىر. 143 ناۋقاس جاساندى تىنىس اپپاراتىنا قوسىلعان.
قازٸر تٷركٸستان, ماڭعىستاۋ مەن جامبىل وبلىستارى "جاسىل ايماقتا". شىمكەنت قالاسى, سولتٷستٸك قازاقستان, باتىس قازاقستان, شىعىس قازاقستان, قىزىلوردا, اتىراۋ, الماتى وبلىستارى "سارى ايماقتا". نۇر-سۇلتان, الماتى قالالارى, اقمولا, اقتٶبە, قاراعاندى, قوستاناي, پاۆلودار وبلىستارى "قىزىل ايماقتا" تۇر.
كوروناۆيرۋسقا قارسى ۆاكتسينانىڭ تولىق دوزاسىن العاندار 6,2 ملن ادامعا جەتتٸ. 1,1 ملن ادام ەكٸنشٸ دوزاسىن كٷتٸپ جٷر.
ٸندەت باستالعالى بەرٸ ەلەمدە كوروناۆيرۋس جۇقتىرعاندار 229 ملن ادامعا جەتتٸ. 4,6 ملن ادام قايتىس بولدى.
