قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا نەلٸكتەن Pfizer-دٸڭ 4 ملن دوزاسى ساتىپ الىناتىنىن تٷسٸندٸردٸ, دەپ حابارلايدى قازاقپارات.
«Pfizer ەڭ الدىمەن, بالالار مەن جٷكتٸ ەيەلدەرگە ارنالعانىن بۇعان دەيٸن دە ايتقان ەدٸك. ٶيتكەنٸ, ول بۇل ساناتقا كٸرەتٸن ادامداردى قورعايتىن جالعىز ۆاكتسينا بولىپ تۇر. ياعني, بۇل ٶتە ەلجۋاز توپ سانالادى. مۇنىڭ ٷستٸنە كوروناۆيرۋس جٷكتٸ ەيەلدەردە قانشالىقتى اۋىر ٶتەتٸندٸگٸن دە بٸلەمٸز. ونى دەلەلدەيتٸن مەلٸمەتتەر دە قولىمىزدا بار. قازٸر بالالار وفلاين وقۋعا كٶشتٸ. دەمەك, كوروناۆيرۋس ينفەكتسيياسىن جۇقتىرۋ قاۋپٸ ايتارلىقتاي ارتىپ وتىر. سوندىقتان ەڭ بٸرٸنشٸ كەزەكتە بالالار مەن جٷكتٸ ەيەلدەر ەكپە الادى», - دەدٸ ول.
وسى رەتتە كوميتەت تٶراعاسى نەلٸكتەن Pfizer-دٸڭ 2 ملن ادامعا جەتەتٸن 4 ملن دوزاسىن ساتىپ الۋ كەلٸسٸمٸ جاسالعانىن تٷسٸندٸرٸپ ٶتتٸ.
«ستاتيستيكالىق مەلٸمەتتەرگە سەيكەس, بٷگٸندە كەلٸسٸمٸ بولعان كەزدە ۆاكتسينا الا الاتىن 12 مەن 18 جاستاعى 1 ملن 700 مىڭ بالا بار. ال ەلٸمٸزدە جىل سايىن 400 مىڭنان استام ەيەل بوسانادى. وسى سانداردى قوسقان كەزدە اتالعان ساناتقا كٸرەتٸن حالىقتى ۆاكتسينالاۋعا قاجەتتٸ Pfizer دوزاسى شىعادى», - كوميتەت تٶراعاسى.
