QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova nelikten Pfizer-diń 4 mln dozasy satyp alynatynyn túsindirdi, dep habarlaidy QazAqparat.
«Pfizer eń aldymen, balalar men júkti áielderge arnalǵanyn buǵan deiin de aitqan edik. Óitkeni, ol bul sanatqa kiretin adamdardy qorǵaityn jalǵyz vaktsina bolyp tur. Iaǵni, bul óte áljýaz top sanalady. Munyń ústine koronavirýs júkti áielderde qanshalyqty aýyr ótetindigin de bilemiz. Ony dáleldeitin málimetter de qolymyzda bar. Qazir balalar oflain oqýǵa kóshti. Demek, koronavirýs infektsiiasyn juqtyrý qaýpi aitarlyqtai artyp otyr. Sondyqtan eń birinshi kezekte balalar men júkti áielder ekpe alady», - dedi ol.
Osy rette komitet tóraǵasy nelikten Pfizer-diń 2 mln adamǵa jetetin 4 mln dozasyn satyp alý kelisimi jasalǵanyn túsindirip ótti.
«Statistikalyq málimetterge sáikes, búginde kelisimi bolǵan kezde vaktsina ala alatyn 12 men 18 jastaǵy 1 mln 700 myń bala bar. Al elimizde jyl saiyn 400 myńnan astam áiel bosanady. Osy sandardy qosqan kezde atalǵan sanatqa kiretin halyqty vaktsinalaýǵa qajetti Pfizer dozasy shyǵady», - komitet tóraǵasy.
