قازاقستاندا بەس مىڭنان استام Covid ناۋقاسى تٸركەلٸپ, 134 ادام قايتىس بولدى. بۇل تۋرالى دەنساۋلىق ساقتاۋ مينيسترلٸگٸ حابارلادى.
مينيسترلٸكتٸڭ مەلٸمدەۋٸنشە, 3 قىركٷيەك كٷنٸ كوروناۆيرۋس 4830 ادامنان انىقتالعان. ودان بٸر كٷن بۇرىن ۆيرۋس جۇقتىرعانى پتر تەستٸمەن راستالعان, بٸراق اۋرۋ بەلگٸلەرٸ سوعان ۇقساس "كوۆيدتەكستەس پنەۆمونييامەن" (كۆي-) 316 ادام تٸركەلگەن.
ۆيرۋس جۇقتىرعانى پتر تەستٸمەن راستالعان (كۆي+) ناۋقاستارى اراسىندا 98 كٸسٸ, "كوۆيدتەكستەن پنەۆمونييا" ناۋقاستارى اراسىندا 36 كٸسٸ قايتىس بولعان.
رەسمي ستاتيستيكاعا قاراعاندا, قازاقستاندا كوروناۆيرۋس ٸندەتٸنٸڭ بەتٸ قايتقانى بايقالادى. ماۋسىمنىڭ سوڭىندا ەلدە كوروناۆيرۋستىڭ "دەلتا" ۆاريانتى تٸركەلدٸ. العاش رەت ٷندٸستاندا انىقتالعان بۇل ۆاريانت جۇقپالىعى مەن ناۋقاستى اۋىر حالگە تٷسٸرۋ جىلدامدىعى بويىنشا قاۋٸپتٸرەك سانالادى.
وسى شتامم تٸركەلگەنگە دەيٸن قازاقستاندا كٷندەلٸك تٸركەلەتٸن ناۋقاس سانى 1,5 مىڭنان اسپاسا, "دەلتا" كەلگەلٸ تەۋلٸك كٶرسەتكٸشٸ ٷلكەن قارقىنمەن ارتىپ, شٸلدەنٸڭ ورتاسىنا قاراي 5 مىڭنان, سوڭىندا 8 مىڭنان استى. بٸراق تامىزدىڭ ورتاسىنان باستاپ بۇل كٶرسەتكٸش بٸرتٸندەپ ازايا باستادى.
ٸندەت ۋشىققان تۇستا ەلدٸڭ ەپيدەمييالىق كارتاسىندا ٶڭٸرلەردٸڭ بەرٸ "قىزىل ايماقتا" بولعان. قازٸر تٷركٸستان وبلىسى "جاسىل ايماقتا"; شىعىس قازاقستان, جامبىل, سولتٷستٸك قازاقستان وبلىستارى - "سارى ايماقتا".
قازاقستان ٷكٸمەتٸ ٸندەتپەن كٷرەس جولى رەتٸندە جاپپاي ۆاكتسينالاۋعا باسىمدىق بەرٸپ وتىر. وسى كٷنگە دەيٸن ەلدە 5,6 ميلليون ادام Covid ەكپەسٸن تولىق الدى. بۇدان بٶلەك, 1,2 ميلليونعا جۋىق ادام ەكپەنٸڭ بٸرٸنشٸ دوزاسىن الىپ, ەكٸنشٸسٸن كٷتٸپ وتىر.
ٸندەت باستالعالى قازاقستاندا بارلىعى 808 مىڭنان استام ادامنىڭ اناليزٸنەن كوروناۆيرۋس انىقتالعان. ال بىلتىر تامىزدان باستاپ ەسەپتەلە باستاعان "كوۆيدتەكتەس پنەۆمونيياعا" 71 مىڭ ادام شالدىققان. ەكٸ ەسەپتٸ قوسا العاندا, اۋرۋدان 15 مىڭنان استام ادام قايتىس بولعان.
