11 قىركٷيەك كٷنٸ قازاقستاندا 3575 ادامنىڭ اناليزٸنەن كوروناۆيرۋس ينفەكتسيياسى انىقتالدى. بۇل – 9 شٸلدەدەن بەرگٸ ەڭ تٶمەنگٸ كٶرسەتكٸش. سول كٷنٸ 3130 ناۋقاس تٸركەلگەن.
بۇعان دەيٸن ايماقتار كٶشٸن باستاپ كەلگەن الماتى قالاسىندا 869 ناۋقاس انىقتالعان. شٸلدەنٸڭ سوڭى مەن تامىزدىڭ باسىندا وندا كٷن سايىن ورتاشا ەسەپپەن 1,5 مىڭ ناۋقاس تٸركەلٸپ جٷرگەن.
تامىزدىڭ باسىندا كٷندەلٸك تٸركەلەتٸن ناۋقاستارىنىڭ سانى مىڭنان اسىپ جٷرگەن قاراعاندى وبلىسىندا 11 قىركٷيەك كٷنٸ 405 ادامنىڭ پتر تەستٸ وڭ شىققان.
الماتى وبلىسىندا 332, نۇر-سۇلتاندا 316 جەنە پاۆلودار وبلىسىندا بٸر كٷندە 213 ناۋقاس انىقتالعان.
قازاقستاننىڭ ەپيدەمييالىق كارتاسىندا باتىس قازاقستان وبلىسى "قىزىل" ايماقتان "سارى ايماققا" ٶتتٸ. ەندٸ وندا بقو-مەن بٸرگە بەس ٶڭٸر بار. ولار: جامبىل, قىزىلوردا, شىعىس قازاقستان جەنە سولتٷستٸك قازاقستان وبلىستارى. "جاسىل" ايماقتا بۇرىنعىشا تٷركٸستان وبلىسى عانا تۇر. قالعاندارى تٷگەل "قىزىل" ايماقتا.
ماۋسىمنىڭ سوڭىندا قازاقستاندا كوروناۆيرۋستىڭ "دەلتا" ۆاريانتى تٸركەلٸپ, ەلدە ٸندەت قايتا كٷش العان. العاش رەت ٷندٸستاندا انىقتالعان بۇل ۆاريانت جۇقپالىعى مەن ادامدى اۋىر حالگە تٷسٸرۋ قارقىنى بويىنشا ەدەۋٸر قاۋٸپتٸ سانالادى. شٸلدەنٸڭ سوڭى مەن تامىزدىڭ باسىندا ٸندەتتٸڭ تاراۋى شارىقتاۋ شەگٸنە جەتٸپ, كٷن سايىن 8 مىڭعا تارتا ادامنىڭ اناليزٸنەن Covid ينفەكتسيياسى انىقتالىپ جٷردٸ. تامىزدىڭ سوڭىنان باستاپ تەۋلٸك دەرەگٸ بٸرتٸندەپ ازايىپ كەلەدٸ.
ەلدە ٸندەت باستالعالى بارلىعى 839 499 ادامنىڭ پتر تەستٸ وڭ شىققان. ونىڭ ٸشٸندە 10 297 كٸسٸ قايتىس بولعان. بۇعان كوروناۆيرۋس جۇقتىرعانى راستالعان, بٸراق ٶزگە اۋرۋدان قايتىس بولدى دەگەن 2633 ادام كٸرمەي قالعان.
قازاقستان مۇنىمەن قاتار 2020 جىلعى 1 تامىزدان باستاپ پتر تەستٸ تەرٸس شىققان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن "كوۆيدتەكتەس پنەۆمونييا" ەسەبٸن جٷرگٸزٸپ كەلەدٸ. وسى كٷنگە دەيٸن پنەۆمونييانىڭ بۇل تٷرٸمەن 72 742 ادام تٸركەلگەن. ونىڭ ٸشٸندە 4664 ادام اۋرۋدان ايىعا الماي قايتىس بولعان.
19 ميلليون حالقى بار قازاقستاندا ٷكٸمەت 10 ميلليون ازاماتقا كوروناۆيرۋس ۆاكتسيناسىن سالۋدى كٶزدەپ وتىر. بٷگٸنگە كەيٸن دەيٸن ەكپەنٸ 5 ميلليون 893 مىڭ 619 ادام تولىق العان. بۇدان بٶلەك, 1 ميلليون 178 مىڭ 904 ادام ۆاكتسينانىڭ ەكٸنشٸ دوزاسىن كٷتٸپ وتىر.
