12 تامىزدا قازاقستاندا 7 798 ادامنىڭ كوروناۆيرۋس تەستٸ وڭ شىقتى. ەڭ كٶپ ناۋقاس الماتى (1507), نۇر-سۇلتان (1276) جەنە قاراعاندى وبلىسىندا (1144) تٸركەلدٸ.
2020 جىلدىڭ ناۋرىز ايىنان بەرٸ 672 322 ادامنىڭ پتر-تەستٸ وڭ كٶرسەتكەن. كٶبٸ كوروناۆيرۋس جۇقتىرعاندار بۇدان ەلدەقايدا كٶپ دەپ سانايدى.
سەرسەنبٸ كٷنٸ 406 ادامنان كوروناۆيرۋس پنەۆمونيياسى انىقتالعان. قازاقستان بيلٸگٸ پنەۆمونييانىڭ كوروناۆيرۋسقا ۇقساس تٷرٸن بىلتىر تامىز ايىنان باستاپ ەسەپكە الا باستاعان. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن.
مينيسترلٸك پتر-تەستٸ وڭ شىققان كوروناۆيرۋس جۇقتىرعاندار مەن پتر-تەستٸ تەرٸس كٶرسەتكەن كوروناۆيرۋس پنەۆمونيياسىنا شالدىققانداردى بٶلەك ەسەپتەيدٸ. بىلتىر تامىزدان بەرٸ رەسمي مەلٸمەت بويىنشا, 64 مىڭ ادامعا كوروناۆيرۋس پنەۆمونيياسى دياگنوزى قويىلعان.
11 تامىزدا قازاقستاندا 127 ادام كوروناۆيرۋستان قايتىس بولعان: 105 ادام – كوروناۆيرۋستان, 22 ادام كوروناۆيرۋس پنەۆمونيياسىنان كٶز جۇمعان دەپ ايتىلادى.
دەنساۋلىق ساقتاۋ مينيسترلٸگٸنٸڭ ايتۋىنشا, ٸندەت باستالعالى بەرٸ كوروناۆيرۋس تەستٸ وڭ كٶرسەتكەندەر اراسىندا 7313 ادام قايتىس بولعان. كوروناۆيرۋس پنەۆمونيياسىنا شالدىققاندار اراسىندا 3995 ادام ٶلٸمٸ تٸركەلگەن. بۇل ستاتيستيكاعا بٸرنەشە مىڭ ادام ٶلٸمٸ ەنگٸزٸلمەگەن. كوروناۆيرۋسپەن بايلانىستى ٶلٸم-جٸتٸمدٸ زەرتتەۋ كوميسسيياسى ولاردىڭ ٶلٸمٸنە كوروناۆيرۋس ەمەس, باسقا اۋرۋ سەبەپ بولدى دەپ ايتقان.
13 تامىزداعى مەلٸمەت بويىنشا, ەلٸمٸزدە 115 211 ادام كوروناۆيرۋس ينفەكتسيياسىنان (–110 831 + جەنە 4 380 كۆي-) ەمدەلٸپ جاتىر. ولاردىڭ ٸشٸندە 31 157 پاتسيەنت ستاتسيوناردا, 84 054 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 934 ادامنىڭ جاعدايى اۋىر,
• 472 پاتسيەنتتٸڭ جاعدايى ٶتە اۋىر,
• 230 ناۋقاس ٶجج اپپاراتىندا جاتىر.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنىپ جاتىر. سودان بەرٸ ۆاكتسينانىڭ 1-شٸ كومپونەنتٸن 5 991 676 ادام, 2-شٸ كومپونەنتٸن 4 616 253 ادام سالدىردى.
ايتا كەتەيٸك, ەل بيلٸگٸ امەريكا-نەمٸس كومپانيياسى ەزٸرلەگەن Pfizer ۆاكتسيناسىن ەلگە كٷزدە جەتكٸزەتٸنٸن حابارلاعان. دەنساۋلىق ساقتاۋ مينيسترلٸگٸنٸڭ بولجامىنشا, Pfizer قازاقستانعا قازان ايىندا جەتكٸزٸلۋٸ مٷمكٸن. ول بٸرٸنشٸ كەزەكتە 12 جاستان اسقان بالالارعا اتا-اناسىنىڭ رۇقساتىمەن سالىنادى جەنە جٷكتٸ ەيەلدەرگە ەگٸلەدٸ.
دجونس حوپكينس ۋنيۆەرسيتەتٸنٸڭ مەلٸمەتٸنشە, ٸندەت باستالعالى بەرٸ ەلەمدە 205 ميلليوننان استام ادامعا كوروناۆيرۋس جۇققان. 4,3 ملن ادام قايتىس بولعان.
