12 tamyzda Qazaqstanda 7 798 adamnyń koronavirýs testi oń shyqty. Eń kóp naýqas Almaty (1507), Nur-Sultan (1276) jáne Qaraǵandy oblysynda (1144) tirkeldi.
2020 jyldyń naýryz aiynan beri 672 322 adamnyń PTR-testi oń kórsetken. Kóbi koronavirýs juqtyrǵandar budan áldeqaida kóp dep sanaidy.
Sársenbi kúni 406 adamnan koronavirýs pnevmoniiasy anyqtalǵan. Qazaqstan biligi pnevmoniianyń koronavirýsqa uqsas túrin byltyr tamyz aiynan bastap esepke ala bastaǵan. Byltyr Qazaqstanda jazda jii kezdespeitin ókpeniń qabynýy órshigen kezde DDSU "ólim qaýpi joǵary qazaqstandyq pnevmoniia" – durys anyqtalmaǵan Covid dep málimdegen.
Ministrlik PTR-testi oń shyqqan koronavirýs juqtyrǵandar men PTR-testi teris kórsetken koronavirýs pnevmoniiasyna shaldyqqandardy bólek esepteidi. Byltyr tamyzdan beri resmi málimet boiynsha, 64 myń adamǵa koronavirýs pnevmoniiasy diagnozy qoiylǵan.
11 tamyzda Qazaqstanda 127 adam koronavirýstan qaitys bolǵan: 105 adam – koronavirýstan, 22 adam koronavirýs pnevmoniiasynan kóz jumǵan dep aitylady.
Densaýlyq saqtaý ministrliginiń aitýynsha, indet bastalǵaly beri koronavirýs testi oń kórsetkender arasynda 7313 adam qaitys bolǵan. Koronavirýs pnevmoniiasyna shaldyqqandar arasynda 3995 adam ólimi tirkelgen. Bul statistikaǵa birneshe myń adam ólimi engizilmegen. Koronavirýspen bailanysty ólim-jitimdi zertteý komissiiasy olardyń ólimine koronavirýs emes, basqa aýrý sebep boldy dep aitqan.
13 tamyzdaǵy málimet boiynsha, elimizde 115 211 adam koronavirýs infektsiiasynan (–110 831 + jáne 4 380 KVI-) emdelip jatyr. Olardyń ishinde 31 157 patsient statsionarda, 84 054 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 1 934 adamnyń jaǵdaiy aýyr,
• 472 patsienttiń jaǵdaiy óte aýyr,
• 230 naýqas ÓJJ apparatynda jatyr.
Qazaqstanda aqpan aiynan beri halyqqa koronavirýsqa qarsy vaktsina salynyp jatyr. Sodan beri vaktsinanyń 1-shi komponentin 5 991 676 adam, 2-shi komponentin 4 616 253 adam saldyrdy.
Aita keteiik, el biligi amerika-nemis kompaniiasy ázirlegen Pfizer vaktsinasyn elge kúzde jetkizetinin habarlaǵan. Densaýlyq saqtaý ministrliginiń boljamynsha, Pfizer Qazaqstanǵa qazan aiynda jetkizilýi múmkin. Ol birinshi kezekte 12 jastan asqan balalarǵa ata-anasynyń ruqsatymen salynady jáne júkti áielderge egiledi.
Djons Hopkins ýniversitetiniń málimetinshe, indet bastalǵaly beri álemde 205 millionnan astam adamǵa koronavirýs juqqan. 4,3 mln adam qaitys bolǵan.
