23 شٸلدەدە قازاقستاندا 6 521 ادامنىڭ كوروناۆيرۋسقا تاپسىرعان اناليزٸ وڭ نەتيجە كٶرسەتكەن. ەلدٸڭ ەڭ ٸرٸ ەكٸ قالاسى نۇر-سۇلتان مەن الماتىدا ۆيرۋس جۇقتىرعاندار سانى مىڭنان اسىپ تۇر. استانادا - 1522, ال الماتىدا – 1080 ادام كوروناۆيرۋس ينفەكتسيياسىن جۇقتىرعان. باسقا ٶڭٸرلەردەگٸ كٶرسەتكٸشتەر:
شىمكەنت قالاسى - 507, اقمولا وبلىسى - 193, اقتٶبە وبلىسى - 250, الماتى وبلىسى - 220, اتىراۋ وبلىسى - 446, شىعىس قازاقستان وبلىسى - 101, جامبىل وبلىسى - 108, باتىس قازاقستان وبلىسى - 309, قاراعاندى وبلىسى - 750, قوستاناي وبلىسى - 167, قىزىلوردا وبلىسى - 170, ماڭعىستاۋ وبلىسى - 255, پاۆلودار وبلىسى - 211, سولتٷستٸك قازاقستان وبلىسى - 123, تٷركٸستان وبلىسى - 109.
بىلتىرعى ناۋرىزدان بەرٸ جالپى ەل بويىنشا 522 638 ادام Covid-كە شالدىققان.
جاڭا انتيرەكورد قازاقستان دەنساۋلىق ساقتاۋ مينيسترٸ الەكسەي تسويدىڭ 14 شٸلدەدە ايتقان پەسسيميستٸك ستسەناريٸنٸڭ ورىن الىپ جاتقانىن راستايدى. مينيستر شٸلدە-قىركٷيەك ايلارىندا قازاقستاندا 400 مىڭعا جۋىق ادام كوروناۆيرۋس ينفەكتسيياسىن جۇقتىرادى, تامىزداعى شارىقتاۋ شەگٸ كەزٸندە تەۋلٸگٸنە 6 مىڭنان استام جاڭا ناۋقاس تٸركەلٸپ وتىرادى دەپ بولجاعان. تامىز ايى باستالماي جاتىپ, بٸر تەۋلٸكتە جۇقتىرعاندار سانى 6,5 مىڭنان اسىپ كەتتٸ.
رەسمي مەلٸمەت بويىنشا, 22 شٸلدەدە 225 ادامعا "كوروناۆيرۋس بەلگٸلەرٸ بار پنەۆمونييا" دياگنوزى قويىلعان. بىلتىر تامىزدان بەرگٸ ساناق بويىنشا, پتر اناليزٸ Covid-تٸڭ بارىن راستاماسا دا, كلينيكالىق بەلگٸلەرٸ بويىنشا "كوروناۆيرۋس پنەۆمونيياسى" دياگنوزى قويىلعاندار سانى 53 886 ادامعا جەتكەن.
22 شٸلدەدە 64 ادام كوروناۆيرۋستان, 10 ادام "كوروناۆيرۋستەكتٸ پنەۆمونييادان" كٶز جۇمعان.
جاڭا ناۋقاس سانى ەمدەلٸپ شىققانداردان ەكٸ ەسەدەي كٶپ. ٶتكەن تەۋلٸكتە قازاقستاندا 2 802 ادام كوروناۆيرۋستان ەمدەلٸپ شىققان.
قازٸر ەلدە 75 مىڭداي ادام كوروناۆيرۋس ينفەكتسيياسىنان ەمدەلٸپ جاتىر, ولاردىڭ ٸشٸندە 21 681 پاتسيەنت ستاتسيوناردا. 1 325 ناۋقاستىڭ جاعدايى اۋىر, 287-سٸنٸڭ حالٸ ٶتە اۋىر, ال 175 ادام ٶكپە جەلدەتكٸش اپپاراتقا قوسىلعان.
ٸندەتتٸڭ ٶرشۋٸنە بايلانىستى قازاقستاننىڭ كٶپ ايماعىندا كارانتين كٷشەيتٸلگەن. نۇر-سۇلتاندا ينفەكتسييالىق اۋرۋحانالار 72 پايىزعا تولىپ, جوسپارلى ەمدەۋ توقتاعان. قازاقستان ايماقتارىنداعى ەپيدەمييا ماتريتساسى بويىنشا تەك تٷركٸستان وبلىسى "سارى ايماقتا" قالدى, قالعان ٶڭٸردٸڭ بەرٸ ەڭ قاۋٸپتٸ دەگەن "قىزىل ايماققا" ٶتتٸ.
