9 قىركٷيەكتە قازاقستاندا 4024 ادامنىڭ اناليزٸنەن كوروناۆيرۋس انىقتالدى. ولاردىڭ بارلىعىنىڭ پتر تەستٸ وڭ شىققان.
ٶتكەن تەۋلٸكتە ەڭ كٶپ ناۋقاس الماتى قالاسىندا (931) تٸركەلگەن. قاراعاندى وبلىسىندا – 581, نۇر-سۇلتاندا – 320, اقتٶبە وبلىسىندا – 300, پاۆلودار وبلىسىندا – 220, الماتى وبلىسىندا – 290, اقمولا وبلىسىندا 203 ادامعا كوروناۆيرۋس جۇققان. قالعان وبلىستار مەن قالالاردا انىقتالعان ناۋقاستار 200-گە جەتپەيدٸ.
2020 جىلدىڭ ناۋرىز ايىنان بەرٸ 832 مىڭ ادامنىڭ كوروناۆيرۋس تەستٸ وڭ شىققان.
حالىقارالىق ۇيىمداردىڭ قىسىمىنان كەيٸن قازاقستان بيلٸگٸ 2020 جىلدىڭ تامىزىنان باستاپ كوروناۆيرۋس پنەۆمونيياسىنىڭ ستاتيستيكاسىن جٷرگٸزە باستاعان. دٷنيەجٷزٸلٸك دەنساۋلىق ساقتاۋ ۇيىمى بىلتىر ماۋسىم مەن شٸلدەدە قاتتى ٶرشٸپ, بەسەڭسٸگەن "پنەۆمونييانى" "دياگنوزى دۇرىس قويىلماعان كوروناۆيرۋس" دەپ اتاعان ەدٸ. 2020 جىلدىڭ تامىزىنان بەرٸ ەلدە شامامەن 72 مىڭ ادام كوروناۆيرۋس پنەۆمونيياسىنا شالدىققان. 8 قىركٷيەكتە 275 ادامعا كوروناۆيرۋس پنەۆمونيياسى دياگنوزى قويىلعان.
ەكٸ كٷن بۇرىن 97 ادام كوروناۆيرۋس پەن پنەۆمونييادان قايتىس بولعان. 78-ٸنٸڭ پتر تەستٸ وڭ شىققان, 19 ادام پنەۆمونييانىڭ كوروناۆيرۋسقا ۇقساس تٷرٸنەن قايتىس بولدى دەپ ايتىلادى.
ٸندەت باستالعالى بەرٸ قازاقستاندا 10 154 ادام كوروناۆيرۋستان قايتىس بولعان. كوروناۆيرۋس پنەۆمونيياسى 4 630 ادامنىڭ ٶلٸمٸنە سەبەپ بولعان. جەرگٸلٸكتٸ كوميسسييانىڭ شەشٸمٸمەن "Covid-تەن ەمەس, باسقا اۋرۋدان قايتىس بولدى" دەگەن مىڭداعان ادام ٶلٸمٸ دەنساۋلىق ساقتاۋ مينيسترلٸگٸنٸڭ بازاسىنا ەنگٸزٸلمەگەن.
قازٸر ەلدە 82 162 ادام كوروناۆيرۋس ينفەكتسيياسىنان (–74 116 + جەنە 8 046 كۆي-) ەمدەلٸپ جاتىر. ولاردىڭ ٸشٸندە 17 245 پاتسيەنت ستاتسيوناردا, 64 917 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 310 ادامنىڭ جاعدايى اۋىر,
• 373 پاتسيەنتتٸڭ جاعدايى ٶتە اۋىر,
• 208 ناۋقاس ٶجج اپپاراتىندا جاتىر.
19 ملن حالقى بار قازاقستاندا 5,8 ملن-نان اسا ادام كوروناۆيرۋسقا قارسى تولىق ەگٸلگەن. 1,2 ملن ادام ەزٸرگە بٸر دوزاسىن عانا العان.
ۆاكتسينالاۋ ناۋقانىن 1 اقپاندا باستاعان قازاقستاندا رەسەيلٸك "سپۋتنيك V" (قازٸر ونى قاراعاندىدا ٶندٸرەدٸ), وتاندىق QazVac, قىتايلىق Sinopharm كومپانيياسىنىڭ باە-دە ٶندٸرٸلگەن ۆاكتسيناسى Hayat-Vax پەن قىتايدا ٶندٸرٸلگەن ەكپەسٸن Vero Cell, سونداي-اق تاعى بٸر قىتاي كومپانيياسى Sinovac كومپانيياسىنىڭ ەكپەسٸ CoronaVac قولدانىلادى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە 222 ملن ادام كوروناۆيرۋسقا شالدىققان, 4,6 ميلليونى قايتىس بولعان.
