9 qyrkúiekte Qazaqstanda 4024 adamnyń analizinen koronavirýs anyqtaldy. Olardyń barlyǵynyń PTR testi oń shyqqan.
Ótken táýlikte eń kóp naýqas Almaty qalasynda (931) tirkelgen. Qaraǵandy oblysynda – 581, Nur-Sultanda – 320, Aqtóbe oblysynda – 300, Pavlodar oblysynda – 220, Almaty oblysynda – 290, Aqmola oblysynda 203 adamǵa koronavirýs juqqan. Qalǵan oblystar men qalalarda anyqtalǵan naýqastar 200-ge jetpeidi.
2020 jyldyń naýryz aiynan beri 832 myń adamnyń koronavirýs testi oń shyqqan.
Halyqaralyq uiymdardyń qysymynan keiin Qazaqstan biligi 2020 jyldyń tamyzynan bastap koronavirýs pnevmoniiasynyń statistikasyn júrgize bastaǵan. Dúniejúzilik densaýlyq saqtaý uiymy byltyr maýsym men shildede qatty órship, báseńsigen "pnevmoniiany" "diagnozy durys qoiylmaǵan koronavirýs" dep ataǵan edi. 2020 jyldyń tamyzynan beri elde shamamen 72 myń adam koronavirýs pnevmoniiasyna shaldyqqan. 8 qyrkúiekte 275 adamǵa koronavirýs pnevmoniiasy diagnozy qoiylǵan.
Eki kún buryn 97 adam koronavirýs pen pnevmoniiadan qaitys bolǵan. 78-iniń PTR testi oń shyqqan, 19 adam pnevmoniianyń koronavirýsqa uqsas túrinen qaitys boldy dep aitylady.
Indet bastalǵaly beri Qazaqstanda 10 154 adam koronavirýstan qaitys bolǵan. Koronavirýs pnevmoniiasy 4 630 adamnyń ólimine sebep bolǵan. Jergilikti komissiianyń sheshimimen "Covid-ten emes, basqa aýrýdan qaitys boldy" degen myńdaǵan adam ólimi densaýlyq saqtaý ministrliginiń bazasyna engizilmegen.
Qazir elde 82 162 adam koronavirýs infektsiiasynan (–74 116 + jáne 8 046 KVI-) emdelip jatyr. Olardyń ishinde 17 245 patsient statsionarda, 64 917 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 1 310 adamnyń jaǵdaiy aýyr,
• 373 patsienttiń jaǵdaiy óte aýyr,
• 208 naýqas ÓJJ apparatynda jatyr.
19 mln halqy bar Qazaqstanda 5,8 mln-nan asa adam koronavirýsqa qarsy tolyq egilgen. 1,2 mln adam ázirge bir dozasyn ǵana alǵan.
Vaktsinalaý naýqanyn 1 aqpanda bastaǵan Qazaqstanda reseilik "Spýtnik V" (qazir ony Qaraǵandyda óndiredi), otandyq QazVac, qytailyq Sinopharm kompaniiasynyń BAÁ-de óndirilgen vaktsinasy Hayat-Vax pen Qytaida óndirilgen ekpesin Vero Cell, sondai-aq taǵy bir qytai kompaniiasy Sinovac kompaniiasynyń ekpesi CoronaVac qoldanylady.
Amerikalyq Djons Hopkins ýniversitetiniń málimeti boiynsha, álemde 222 mln adam koronavirýsqa shaldyqqan, 4,6 milliony qaitys bolǵan.
