كەشە, 4 قازاندا قازاقستاندا 1624 ادامنىڭ پتر تەستٸ وڭ شىقتى. بۇل الدىڭعى كٷنمەن سالىستىرعاندا 93 ادامعا كٶپ.
ٶتكەن تەۋلٸكتە الماتىدا – 328, نۇر-سۇلتاندا 287 ادامنان كوروناۆيرۋس انىقتالعان. قالعان وبلىستار مەن قالالاردا 200-دەن از ناۋقاس تٸركەلگەن.
2020 جىلدىڭ ناۋرىز ايىنان بەرٸ 894 مىڭ ادامنىڭ پتر تەستٸ وڭ شىققان. باسىم بٶلٸگٸ جازىلعان. 11 350-ٸ قايتىس بولعان. 3 قازاندا 27 ادام قايتىس بولعان.
قازاقستاندا پنەۆمونيياعا كوروناۆيرۋسقا ۇقساس تٷرٸنە شالدىققاندار 2020 جىلدىڭ تامىز ايىنان بەرٸ ەسەپكە الىنا باستادى. سودان بەرٸ 76 مىڭ ناۋقاس تٸركەلگەن. 63 مىڭى جازىلعان. 4868-ٸ قايتىس بولعان. 3 قازاندا 12 ادام كٶز جۇمعان. 17 ادامعا كوروناۆيرۋس پنەۆمونيياسى دياگنوزى قويىلدى.
قازٸر رەسپۋبليكا بويىنشا 58 مىڭ ادام كوروناۆيرۋستان ەمدەلٸپ جاتىر. 10 مىڭى ستاتسيوناردا جاتىر. 732 ادامنىڭ جاعدايى اۋىر. 223 ناۋقاستىڭ حەلٸ مٷشكٸل. 135 ادام جاساندى تىنىس اپپاراتىنا قوسىلعان.
6,7 ملن ادامعا كوروناۆيرۋسقا قارسى ۆاكتسينانىڭ تولىق دوزاسى سالىنعان. 1 ملن ادام ەكٸنشٸ دوزاسىن كٷتٸپ وتىر.
