Keshe, 4 qazanda Qazaqstanda 1624 adamnyń PTR testi oń shyqty. Bul aldyńǵy kúnmen salystyrǵanda 93 adamǵa kóp.
Ótken táýlikte Almatyda – 328, Nur-Sultanda 287 adamnan koronavirýs anyqtalǵan. Qalǵan oblystar men qalalarda 200-den az naýqas tirkelgen.
2020 jyldyń naýryz aiynan beri 894 myń adamnyń PTR testi oń shyqqan. Basym bóligi jazylǵan. 11 350-i qaitys bolǵan. 3 qazanda 27 adam qaitys bolǵan.
Qazaqstanda pnevmoniiaǵa koronavirýsqa uqsas túrine shaldyqqandar 2020 jyldyń tamyz aiynan beri esepke alyna bastady. Sodan beri 76 myń naýqas tirkelgen. 63 myńy jazylǵan. 4868-i qaitys bolǵan. 3 qazanda 12 adam kóz jumǵan. 17 adamǵa koronavirýs pnevmoniiasy diagnozy qoiyldy.
Qazir respýblika boiynsha 58 myń adam koronavirýstan emdelip jatyr. 10 myńy statsionarda jatyr. 732 adamnyń jaǵdaiy aýyr. 223 naýqastyń háli múshkil. 135 adam jasandy tynys apparatyna qosylǵan.
6,7 mln adamǵa koronavirýsqa qarsy vaktsinanyń tolyq dozasy salynǵan. 1 mln adam ekinshi dozasyn kútip otyr.
