قازاقستاندا كوروناۆيرۋس جۇقتىرعاندار كٶبەيٸپ جاتىر. ۆيرۋس جۇقتىرعاندار ەكٸنشٸ كٷن قاتارىنان 8 مىڭ ادامعا كٶبەيگەن. بۇل تۋرالى سەنبٸ, 31 شٸلدە كٷنٸ دەنساۋلىق ساقتاۋ مينيسترلٸگٸ حابارلادى.
ەكٸ كٷن بۇرىنعى (29 شٸلدە) اقپارات بويىنشا, قازاقستاندا كوروناۆيرۋس جۇقتىرعان تاعى 7691 ادام انىقتالعان. 86 ناۋقاس قايتىس بولعان.
پتر تەستٸ تەرٸس شىققان 309 ادامعا كوروناۆيرۋس پنەۆمونيياسى دياگنوزى قويىلعان. 14 ادام وسى دەرتتەن كٶز جۇمعان.
قازٸر قازاقستاندا ۆيرۋس ٶرشٸپ تۇر. دەنساۋلىق ساقتاۋ مينيسترلٸگٸنٸڭ ايتۋىنشا, ٶتكەن ايمەن سالىستىرعاندا شٸلدەدە اۋرۋ ٶسٸمٸ 5 پايىزدان ارتىق ٶسكەن. الماتى, نۇر-سۇلتان, شىمكەنت قالاسى مەن اقمولا, اقتٶبە, الماتى, اتىراۋ, باتىس قازاقستان, جامبىل, قاراعاندى, قوستاناي, قىزىلوردا, ماڭعىستاۋ, شىعىس قازاقستان جەنە سولتٷستٸك قازاقستان وبلىستارى - "قىزىل ايماقتا", تٷركٸستان وبلىسى - "سارى ايماقتا". بەيسەنبٸ كٷنٸ قازاقستان باس سانيتار دەرٸگەرٸ ۆيرۋس قاتتى ٶرشٸگەن ايماقتى "كٷرەڭ قىزىلمەن" بەلگٸلەۋ جٶنٸندە قاۋلى شىعارعان.
ٷكٸمەت ٸندەتتٸڭ ٶرشۋٸن كوروناۆيرۋستىڭ اسا جۇقپالى ەرٸ قاۋٸپتٸ "دەلتا" ۆاريانتىمەن بايلانىستىرادى. ەڭ العاش رەت ٷندٸستاندا انىقتالعان بۇل ۆاريانت قازاقستاندا ماۋسىمنىڭ اياعىندا تٸركەلگەن.
31 شٸلدەدەگٸ مەلٸمەت بويىنشا, ەلدە 95 998 ادام كوروناۆيرۋس ينفەكتسيياسىنان (–93 366 + جەنە 2 632 كۆي-) ەمدەلٸپ جاتىر.
ەمدەلٸپ جاتقانداردىڭ ٸشٸندە 27 004 پاتسيەنت ستاتسيوناردا, 68 994 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 677 ادامنىڭ جاعدايى اۋىر,
• 349 پاتسيەنتتٸڭ جاعدايى ٶتە اۋىر,
• 334 ناۋقاس جاساندى تىنىس الۋ اپپاراتىندا جاتىر
ەلەمدە پاندەمييا باستالعالى بەرٸ قازاقستاندا 572 مىڭنان استام ادامنىڭ كوروناۆيرۋس تەستٸ وڭ (كۆي+) شىققان. بۇعان قوسا پتر تەستٸ تەرٸس (كۆي-) نەتيجە كٶرسەتٸپ, بٸراق اۋرۋ بەلگٸسٸ كوروناۆيرۋستىكٸنە ۇقسايتىن پنەۆمونييا ەسەبٸ بار. ٷكٸمەت ول ەسەپتٸ بىلتىر 1 تامىزدا باستاعان. سودان بەرٸ 60 مىڭنان استام ادامعا وسىنداي دياگنوز قويىلعان.
قازاقستاندا رەسمي ەسەپ بويىنشا, 2020 جىلدىڭ ناۋرىزىنان بەرٸ 5866 ادام كوروناۆيرۋستان كٶز جۇمعان. بىلتىرعى تامىز ايىنان بەرٸ كوروناۆيرۋس پنەۆمونيياسىنان 3711 ادام مارقۇم بولعان.
كەي ساراپشىلار كوروناۆيرۋس بويىنشا رەسمي مەلٸمەتكە سەنبەي, ۆيرۋس جۇقتىرعاندار مەن ودان قايتىس بولعانداردىڭ شىنايى سانى بۇدان ەلدەقايدا كٶپ دەپ سانايدى.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنىپ جاتىر. دەنساۋلىق ساقتاۋ مينيسترلٸگٸنٸڭ دەرەگٸنشە, وسى كەزگە دەيٸن 5,4 ميلليونعا جۋىق ادام ۆاكتسينانىڭ بٸرٸنشٸ دوزاسىن العان. ەكپەنٸڭ تولىق دوزاسىن العاندار 3,7 ميلليوننان استى.
