1 تامىزدا قازاقستاندا 7573 ادامنىڭ كوروناۆيرۋس تەستٸ وڭ شىقتى. دەنساۋلىق ساقتاۋ مينيسترلٸگٸ دٷيسەنبٸ كٷنٸ تاڭەرتەڭ وسىلاي دەپ حابارلادى.
31 شٸلدەدە 87 ادامعا كوروناۆيرۋس پنەۆمونيياسى دياگنوزى قويىلعان. 102 ادام قايتىس بولعان: 86 ادام – كوروناۆيرۋستان, 16 ادام كوروناۆيرۋس پنەۆمونيياسىنان كٶز جۇمدى دەپ ايتىلادى.
ەلدە ۆيرۋستىڭ بەتٸ ەلٸ قايتپادى. جەكسەنبٸ كٷنٸ نۇر-سۇلتاندا – 1489, الماتىدا – 1540, قاراعاندى وبلىسىندا – 901, شىمكەنتتە 650 ناۋقاس تٸركەلگەن. اتىراۋ وبلىسىندا 408 ادامنان كوروناۆيرۋس انىقتالعان. قالعان وبلىستاردا 85-300 ارالىعىندا ناۋقاس تٸركەلگەن. قازٸر بارلىق وبلىس پەن قالا "قىزىل ايماقتا" تۇر.
2 تامىزداعى مەلٸمەتٸ بويىنشا ەلدە 101 702 ادام كوروناۆيرۋس ينفەكتسيياسىنان (98 951 كۆي+ جەنە 2 751 كۆي-) ەمدەلٸپ جاتىر. ولاردىڭ ٸشٸندە 28 541 پاتسيەنت ستاتسيوناردا, 73 161 ناۋقاس امبۋلاتورييالىق دەڭگەيدە ەم قابىلداپ جٷر.
كۆي+, كۆي- شالدىققانداردىڭ اراسىندا:
1 676 ادامنىڭ جاعدايى اۋىر,
402 پاتسيەنتتٸڭ جاعدايى ٶتە اۋىر.
196 ناۋقاس ٶجج اپپاراتىندا جاتىر.
بيلٸك ٸندەتتٸڭ ٶرشۋٸن دەلتا ۆاريانتتىڭ تاراۋىمەن بايلانىستىرادى. "دەلتا" كوروناۆيرۋستىڭ كەدٸمگٸ تٷرٸنە قاراعاندا جىلدام جۇعادى جەنە اسقىنۋى دا تەز. رەسمي مەلٸمەت بويىنشا, قازاقستاندا دەلتا ماۋسىم ايىندا تٸركەلگەن.
2020 جىلدىڭ ناۋرىز ايىنان بەرٸ 587 مىڭ ادامنىڭ كوروناۆيرۋس تەستٸ وڭ شىققان. ودان بٶلەك, 61 مىڭنان استام ادام كوروناۆيرۋس پنەۆمونيياسىنا شالدىققان.
بىلتىر ناۋرىز ايىنان بەرٸ 6043 ادام كوروناۆيرۋستان قايتىس بولدى دەپ ايتىلادى. تامىز ايىنان بەرٸ كوروناۆيرۋس پنەۆمونيياسى 3740 ادامنىڭ ٶلٸمٸنە سەبەپ بولعان. بۇعان قوسا, كوروناۆيرۋس جۇقسا دا, "باسقا اۋرۋدان قايتىس بولدى" دەپ تانىلعان كەمٸندە 2 مىڭنان استام ادام ٶلٸمٸ كوروناۆيرۋس ستاتيستيكاسىنا ەنگٸزٸلمەگەن.
كەي ساراپشىلار كوروناۆيرۋس بويىنشا رەسمي مەلٸمەت تىم تٶمەندەتٸلگەن, شىن مەنٸندە ۆيرۋس جۇقتىرعاندار مەن ودان قايتىس بولعاندار ەلدەقايدا كٶپ دەپ سانايدى.
قازاقستاندا اقپان ايىنان بەرٸ حالىققا كوروناۆيرۋسقا قارسى ۆاكتسينا سالىنىپ جاتىر. سودان بەرٸ 5,4 ميلليون ادام ۆاكتسينانىڭ بٸرٸنشٸ دوزاسىن العان. ەكپەنٸڭ تولىق دوزاسىن العاندار 3,7 ميلليوننان استى.
