13 قىركٷيەكتە 2 801 ادامنىڭ اناليزٸنەن كوروناۆيرۋس انىقتالدى. بۇل - الدىڭعى كٷنمەن سالىستىرعاندا شامامەن 300 ادامعا از.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, الماتىدا 611 ادامنان كوروناۆيرۋس انىقتالعان. الماتى قالاسى كوروناۆيرۋستىڭ بٸر كٷندٸك كٶرسەتكٸشٸ بويىنشا رەسپۋبليكادا الدىڭعى ورىندا تۇر. دٷيسەنبٸ كٷنٸ قاراعاندى وبلىسىندا 381 ناۋقاس تٸركەلگەن. استانادا بٸر كٷندە 324 ادامنان ينفەكتسييا انىقتالعان.
ٸندەت باستالعالى بەرٸ 845 مىڭ ادامنىڭ پتر تەستٸ وڭ شىققان. 10 427-ى قايتىس بولعان.
ماۋسىم ايىنىڭ سوڭىنان بەرٸ كٷن سايىن بٸرنەشە مىڭ ناۋقاس تٸركەلٸپ كەلەدٸ. شٸلدە مەن تامىزدا كٷندٸك كٶرسەتكٸش 7 مىڭنان اسقان. ماماندار اۋرۋ ٶسٸمٸن ۆيرۋستىڭ قاۋٸپتٸ ەرٸ تەز جۇعاتىن تٷرٸ – دەلتا شتاممەن بايلانىستىرعان.
جەكسەنبٸ, 12 قىركٷيەكتە قازاقستاندا كوروناۆيرۋسپەن بايلانىستى 83 ادام ٶلٸمٸ تٸركەلدٸ: 73 ادام – كوروناۆيرۋستان, 10 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
قازاقستان 2020 جىلدىڭ 1 تامىزىنان باستاپ پتر تەستٸ تەرٸس شىققان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن "كوۆيدتەكتەس پنەۆمونييا" ەسەبٸن جٷرگٸزٸپ كەلەدٸ. وسى كٷنگە دەيٸن پنەۆمونييانىڭ بۇل تٷرٸنە 72,8 مىڭ ادام شالدىققان. ونىڭ ٸشٸندە 4687 ادام اۋرۋدان ايىعا الماي قايتىس بولعان. 12 قىركٷيەكتە 24 ادامعا كوروناۆيرۋس پنەۆمونيياسى دياگنوزى قويىلدى.
قازٸر شامامەن 76 مىڭ ادام كوروناۆيرۋستان ەمدەلٸپ جاتىر, 15 مىڭى ستاتسيوناردا جاتىر.
19 ميلليون حالقى بار قازاقستاندا ٷكٸمەت 10 ميلليون ازاماتقا كوروناۆيرۋس ۆاكتسيناسىن سالۋدى كٶزدەپ وتىر. بٷگٸنگە كەيٸن دەيٸن ەكپەنٸ 6 ملن-عا جۋىق ادام تولىق العان. بۇدان بٶلەك, 1,1 ملن ادام ۆاكتسينانىڭ ەكٸنشٸ دوزاسىن كٷتٸپ وتىر.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە 225 ملن ادام كوروناۆيرۋسقا شالدىققان, 4,6 ميلليونى قايتىس بولعان.
