ٶتكەن تەۋلٸكتە 2711 ادامنىڭ كوروناۆيرۋس تەستٸ وڭ شىقتى. بۇل بٸر كٷن بۇرىنعى كٶرسەتكٸشتەن 93 ادامعا كٶپ. ەلدە "ٷندٸستاندىق شتامنىڭ" تاراعانى جايلى اقپارات شىققالى بەرٸ كوروناۆيرۋس جۇقتىرعاندار ٷزدٸكسٸز كٶبەيٸپ كەلە جاتىر.
رەسمي مەلٸمەت بويىنشا, 2020 جىلدىڭ ناۋرىز ايىنان بەرٸ 442 291 ادامنىڭ كوروناۆيرۋس تەستٸ وڭ شىققان.
5 شٸلدەدە 27 ادام پنەۆمونييانىڭ كوروناۆيرۋسقا ۇقساس تٷرٸنە شالدىققان. پتر نەتيجەسٸ تەرٸس, بٸراق سيمپتومدارى كوروناۆيرۋسقا ۇقساس "پنەۆمونييا" ستاتيستيكاسى بىلتىر تامىزدان بەرٸ جٷرگٸزٸلٸپ كەلەدٸ. مينيسترلٸك مەلٸمەتٸنشە, سودان بەرٸ ەلدە 57 464 ادام "پنەۆمونييانىڭ" سول تٷرٸنە شالدىققان.
دٷيسەنبٸ كٷنٸ ەلدە كوروناۆيرۋسپەن بايلانىستى 30 ادام ٶلٸمٸ تٸركەلگەن: 27 ادام – كوروناۆيرۋستان, 3 ادام – كوروناۆيرۋس پنەۆمونيياسىنان قايتىس بولدى دەپ ايتىلادى. ٸندەت باستالعالى بەرٸ كوروناۆيرۋستان – 4516 ادام, كوروناۆيرۋس پنەۆمونيياسىنان 3470 ادام قايتىس بولعان.
كوروناۆيرۋسقا قاتىستى ادام ٶلٸمٸ ستاتيستيكاسىنا ۆيرۋسقا شالدىققان مىڭنان اسا ادام مارقۇم ەنبەي قالدى. مينيسترلٸك قۇرعان كوميسسييا ولاردىڭ قازاسىنا باسقا دەرت سەبەپ بولدى دەپ تاپقان.
قازٸر ەلدە نۇر-سۇلتان, الماتى, شىمكەنت قالالارى, اقمولا, اتىراۋ, بقو, قاراعاندى, ماڭعىستاۋ جەنە پاۆلودار وبلىستارى قاۋپٸ كٶپ "قىزىل ايماقتا", اقتٶبە, قوستاناي, سقو, قىزىلوردا, الماتى, جامبىل وبلىستارى ۆيرۋس تاراۋى جاعىنان ورتاشا "سارى ايماقتا" تۇر. قالعان وبلىستار "جاسىل ايماقتا".
7 شٸلدە كٷنگٸ اقپارات بويىنشا, 34 189 ادام (32 876 ادامنىڭ Covid تەستٸ وڭ شىققان) كوروناۆيرۋستان ەمدەلٸپ جاتىر. ستاتسيوناردا 10 708-ٸ ەمدەلٸپ جاتىر. 710 ادامنىڭ جاعدايى اۋىر, 143 ناۋقاستىڭ جاعدايى ٶتە اۋىر, 75 ادام جاساندى تىنىس اپپاراتىنا قوسىلعان.
مينيسترلٸكتٸڭ دەرەگٸنشە, 7 شٸلدەگە دەيٸن 3 ملن 906 مىڭ ادام كوروناۆيرۋسقا قارسى ەكپەنٸڭ بٸر دوزاسىن; 2 ملن 236 مىڭ ادام ەكٸ دوزاسىن دا العان. ەلدە رەسەيلٸك "سپۋتنيك V", قازاقستاندىق QazVac, HayatVax (باە ەلٸندە دايىندالعان قىتايدىڭ ەكپەسٸ), قىتايلىق Coronavac ەكپەسٸن سالىپ جاتىر.
2 شٸلدەدە قازاقستان دەنساۋلىق ساقتاۋ مينيسترلٸگٸ كوروناۆيرۋستىڭ تەز جۇعاتىن تٷرٸ "ٷندٸستاندىق شتامم" بارلىق وبلىس پەن قالادا انىقتالدى دەپ مەلٸمدەگەن.
اقش-تاعى دجونس حوپكينس ۋنيۆەرسيتەتٸنٸڭ ەسەبٸنشە, ٸندەت باستالعالى بەرٸ ەلەمدە 184,5 ملن ادام Covid دەرتٸنە شالدىققان. 3,9 ملن ادام قايتىس بولعان.
