يتالييا ٷكٸمەتٸ COVID-19 جۇقتىرۋشىلار سانىنىڭ ارتۋىنا بايلانىستى ەل اۋماعىندا ەكٸنشٸ قاتاڭ كارانتين رەجٸمٸن ەنگٸزەدٸ. ول بٷگٸنگٸ كٷننەن باستاپ 2020 جىلعى 3 جەلتوقسانعا دەيٸن قولدانىستا بولادى, دەپ حابارلايدى ANSA اگەنتتٸگٸ.
كارانتين اياسىندا يتالييا قالالارىندا جەرگٸلٸكتٸ ۋاقىت بويىنشا كەشكٸ ساعات 22:00-دەن باستاپ تاڭعى 05:00-گە دەيٸن كومەندانت ساعاتى جارييالانادى.
مەكتەپ اۆتوبۋستارىن قوسپاعاندا قوعامدىق كٶلٸكتەردٸڭ سىيىمدىلىعى 50%-دان كٶپ بولماۋى كەرەك. ٷكٸمەتتٸڭ قاۋلىسىنا سەيكەس كرۋيزدەر دە توقتاتىلادى.
ەلدە كوروناۆيرۋس ينفەكتسيياسىنىڭ تارالۋىن بولدىرماۋعا ارنالعان باسقا شارالار قاتارىندا ورتا مەكتەپتەردە قاشىقتان وقىتۋ, دەمالىس كٷندەرٸ مۇراجايلار مەن ساۋدا ورتالىقتارىن جابۋ دا بار.
بۇدان ەرٸ شارالار جەرگٸلٸكتٸ جەرلەردە كەم دەگەندە ەكٸ اپتانىڭ ٸشٸندە ايماقتارمەن كەلٸسە وتىرىپ قابىلدانادى, دەلٸنگەن يتالييا ٷكٸمەتٸنٸڭ قاۋلىسىندا.
ناقتى ساندارعا كەلەتٸن بولساق, يتالييانىڭ دەنساۋلىق ساقتاۋ مينيسترلٸگٸنٸڭ مەلٸمەتٸ بويىنشا, سوڭعى 24 ساعات ٸشٸندە ەلدە COVID-19 جۇقتىرۋدىڭ 30 550 جاڭا جاعدايى تٸركەلگەن. كوروناۆيرۋستان يتالييادا تاعى 353 ادام كٶز جۇمعان. ەلدە COVID-19 ۆيرۋسىنان قايتىس بولعانداردىڭ جالپى سانى 39 764 ادام.
يتالييانىڭ دەنساۋلىق ساقتاۋ مينيسترلٸگٸنٸڭ كەڭەسشٸسٸ جوۆانني رەتستسا COVID-19 ينفەكتسيياسى جۇقتىرۋ, سونداي-اق ٶلٸم جاعدايلارىندا تۇراقتىلىق بار ەكەنٸن, بٸراق ولاردىڭ سانى ەلٸ دە جوعارى ەكەنٸن اتاپ ٶتتٸ.
