پلزەن قالاسى (چەحييانىڭ باتىسى) مەن ميۋنحەن اراسىندا جٷرەتٸن «باتىستىق ەكسپرەسس» پويىزى ماشينيسٸنٸڭ ابايسىزدىعى چەحييانىڭ باتىسىنداعى دوماجليتسە قالاسىنىڭ ماڭىنداعى ميلاۆچە ەلدٸ مەكەنٸ ماڭىندا جولاۋشىلار پويىزدارىنىڭ سوقتىعىسۋىنا سەبەپ بولعان, دەپ حابارلايدى "ۇلت اقپارات".
بۇل تۋرالى چەحييانىڭ ۆيتسە-پرەمەرٸ, ٶنەركەسٸپتٸك ساۋدا مينيسترلٸگٸنٸڭ باسشىسى جەنە كٶلٸك مينيسترٸ كارەلا گاۆليچەكا Twitter -دەگٸ پاراقشاسىندا جازدى.
«Ex-351 پويىزى (تەمٸرجولدىڭ بٸر جولدى ۋچاسكەسٸنە) سەمافوردىڭ تىيىم سالىنعان سيگنالىنا شىعىپ, باسقا جولاۋشىلار پويىزىمەن سوقتىعىسىپ قالعان. جاعداي ٶتە اۋىر. مەن بارلىق جۇمىس باعدارلامامنان (جوسپارلانعان كەزدەسۋلەردەن) باس تارتتىم. مەن قايعىلى جاعداي ورىن العان جەرگە بارامىن», - دەپ جازدى ول.
ČTK اقپارات اگەنتتٸگٸ حابارلاعانداي, گەرمانييانىڭ جەدەل مەديتسينالىق جەردەم قىزمەتٸنٸڭ ٶكٸلدەرٸ باتىس چەحيياعا جولاۋشىلار پويىزدارى سوقتىعىسقان جەرگە بەت الدى, بارلىعى بەس جەدەل جەردەم كٶلٸگٸ جٸبەرٸلدٸ.
دوماجليتسە قالاسىنىڭ ماڭىنداعى ميلاۆچە ەلدٸ مەكەنٸ ماڭىندا پويىزداردىڭ سوقتىعىسۋى سالدارىنان ەكٸ ادام قازا تاۋىپ, جەتەۋٸ اۋىر جاراقات العان, ولاردىڭ جاعدايى اۋىر. تاعى 31 ادام زارداپ شەكتٸ, بٸراق ولاردىڭ جاعدايى جامان ەمەس.
