Plzen qalasy (Chehiianyń batysy) men Miýnhen arasynda júretin «Batystyq ekspress» poiyzy mashinisiniń abaisyzdyǵy Chehiianyń batysyndaǵy Domajlitse qalasynyń mańyndaǵy Milavche eldi mekeni mańynda jolaýshylar poiyzdarynyń soqtyǵysýyna sebep bolǵan, dep habarlaidy "Ult aqparat".
Bul týraly Chehiianyń vitse-premeri, Ónerkásiptik saýda ministrliginiń basshysy jáne kólik ministri Karela Gavlicheka Twitter -degi paraqshasynda jazdy.
«Ex-351 poiyzy (temirjoldyń bir joldy ýchaskesine) semafordyń tyiym salynǵan signalyna shyǵyp, basqa jolaýshylar poiyzymen soqtyǵysyp qalǵan. Jaǵdai óte aýyr. Men barlyq jumys baǵdarlamamnan (josparlanǵan kezdesýlerden) bas tarttym. Men qaiǵyly jaǵdai oryn alǵan jerge baramyn», - dep jazdy ol.
ČTK aqparat agenttigi habarlaǵandai, Germaniianyń jedel meditsinalyq járdem qyzmetiniń ókilderi Batys Chehiiaǵa jolaýshylar poiyzdary soqtyǵysqan jerge bet aldy, barlyǵy bes jedel járdem kóligi jiberildi.
Domajlitse qalasynyń mańyndaǵy Milavche eldi mekeni mańynda poiyzdardyń soqtyǵysýy saldarynan eki adam qaza taýyp, jeteýi aýyr jaraqat alǵan, olardyń jaǵdaiy aýyr. Taǵy 31 adam zardap shekti, biraq olardyń jaǵdaiy jaman emes.
