چەحييا پرەزيدەنتٸ ميلوش زەمان 10 قازاندا اۋرۋحانانىڭ جانساقتاۋ بٶلٸمٸنە تٷستٸ. بۇل تۋرالى جەرگٸلٸكتٸ باسىلىمدار جازىپ جاتىر. وقيعا ەلدە پارلامەنت سايلاۋى ٶتكەن كٷننٸڭ ەرتەسٸنە بولعان.
زەمان قالا سىرتىنداعى رەزيدەنتسيياسىنان پراگاعا جەتكٸزٸلگەن. ۆيدەودا پرەزيدەنتتٸڭ سۇلق جاتقانى كٶرٸنەدٸ. زەماندى ەمدەپ جاتقان مامان ەرٸ اۋرۋحانانىڭ باس دەرٸگەرٸ پرەزيدەنتتٸڭ جاساقتاۋ بٶلٸمٸنە تٷسكەنٸن راستادى. بٸراق دياگنوزىن ايتپادى.
بۇعان دەيٸن 77 جاستاعى پرەزيدەنتتٸڭ باۋىرى اۋىراتىنى حابارلانعان. قىركٷيەكتٸڭ ورتاسىندا ول اۋرۋحاناعا جاتىپ شىققان ەدٸ. سودان كەيٸن زەمان جۇرت الدىنا شىققان جوق. سايلاۋدا دا رەزيدەنتسيياسىنان داۋىس بەردٸ.
زەماننىڭ دەنساۋلىعى ٶزٸنە پرەمەر-مينيستر ەرٸ ساياسي سەرٸكتەسٸ اندرەي بابيش كەلٸپ كەتكەننەن كەيٸن ناشارلاعان. سايلاۋ قورىتىندىسىنا سەيكەس, بابيشتىڭ پارتيياسى پارلامەنتتە كٶپ ورىن العانىمەن, ٶز بەتٸنشە مينيسترلەر كابينەتٸن جاساقتاي المايدى.
قازٸر ەكٸ وپپوزيتسييالىق كواليتسييا اراسىندا جاڭا ٷكٸمەت تۋرالى كەلٸسسٶز جٷرٸپ جاتىر. جاڭا پرەمەر-مينيستردٸ تاعايىنداۋ پرەزيدەنتتٸڭ قۇزىرىندا. ەگەر پارلامەنت ول تاڭداعان كانديداتتى ەكٸ رەت كەرٸ قايتارسا, وندا بۇل قۇقىق پارلامەنت جەتەكشٸسٸنە ٶتەدٸ.
پرەزيدەنت ۇزاق ۋاقىت ٶز قىزمەت مٸندەتٸن اتقارا الماسا, پارلامەنت ونى قىزمەتٸنەن شەتتەتە الادى.
