چەحييا پرەزيدەنتٸ, 76 جاستاعى ميلوش زەمان اۋرۋحاناعا تٷستٸ. بۇل تۋرالى سەيسەنبٸدە پراگاداعى ورتالىق ەسكەري اۋرۋحانانىڭ ٶكٸلٸ يتكا زينكە جۋرناليستەرگە مەلٸمدەدٸ, دەپ حابارلايدى "ۇلت اقپارات".
"شامامەن بٸر ساعات بۇرىن رەسپۋبليكا پرەزيدەنتٸ ميلوش زەمان اۋرۋحاناعا تٷستٸ", - دەدٸ ول.
زەمان اۋرۋحاناعا جەرگٸلٸكتٸ ۋاقىت بويىنشا 11:00-دەن كەيٸن جەتكٸزٸلدٸ. وعان جۇبايى يۆاننا دا كەلدٸ. باق-تىڭ حابارلاۋىنشا, پرەزيدەنت اۋرۋحانادا ۇزاق جاتۋى مٷمكٸن.
76 جاستاعى زەمان اياقتىڭ نەيروپاتيياسىنان زارداپ شەگەدٸ. وسى اۋرۋدىڭ سالدارىنان ول جاقىندا مٷگەدەكتەر ارباسىنا كٶشكەن. سونداي-اق, پرەزيدەنت ەستۋ قابٸلەتٸنٸڭ ناشارلاعانىنا جەنە قان قىسىمىنىڭ تٶمەندەگەنٸنە شاعىمدانۋدا. ول بۇرىن قانت ديابەتٸ بويىنشا دەرٸگەرلەردٸڭ باقىلاۋىندا بولعان.
ميلوش زەمان - چەحييانىڭ مەملەكەتتٸك جەنە ساياسي قايراتكەرٸ, 2013 جىلدىڭ 8 ناۋرىزىنان باستاپ ەلدٸڭ پرەزيدەنتٸ. 1993 جىلدان 2001 جىلعا دەيٸن چەح سوتسيال-دەموكراتييالىق پارتيياسىن باسقارعان.
ايتا كەتەيٸك, پراگاداعى ورتالىق ەسكەري اۋرۋحانادا ٶتكەن دەمالىس كٷندەرٸنەن بەرٸ چەحييانىڭ بۇرىنعى پرەزيدەنتٸ ۆاتسلاۆ كلاۋس تا جاتىر. ول قان قىسىمىنىڭ كٷرت كٶتەرٸلۋٸنە بايلانىستى اۋرۋحاناعا تٷسكەن.
