Chehiia Prezidenti, 76 jastaǵy Milosh Zeman aýrýhanaǵa tústi. Bul týraly seisenbide Pragadaǵy Ortalyq áskeri aýrýhananyń ókili Itka Zinke jýrnalisterge málimdedi, dep habarlaidy "Ult aqparat".
"Shamamen bir saǵat buryn respýblika prezidenti Milosh Zeman aýrýhanaǵa tústi", - dedi ol.
Zeman aýrýhanaǵa jergilikti ýaqyt boiynsha 11:00-den keiin jetkizildi. Oǵan jubaiy Ivanna da keldi. BAQ-tyń habarlaýynsha, Prezident aýrýhanada uzaq jatýy múmkin.
76 jastaǵy Zeman aiaqtyń neiropatiiasynan zardap shegedi. Osy aýrýdyń saldarynan ol jaqynda múgedekter arbasyna kóshken. Sondai-aq, Prezident estý qabiletiniń nasharlaǵanyna jáne qan qysymynyń tómendegenine shaǵymdanýda. Ol buryn qant diabeti boiynsha dárigerlerdiń baqylaýynda bolǵan.
Milosh Zeman - Chehiianyń memlekettik jáne saiasi qairatkeri, 2013 jyldyń 8 naýryzynan bastap eldiń Prezidenti. 1993 jyldan 2001 jylǵa deiin Cheh sotsial-demokratiialyq partiiasyn basqarǵan.
Aita keteiik, Pragadaǵy Ortalyq áskeri aýrýhanada ótken demalys kúnderinen beri Chehiianyń burynǵy prezidenti Vatslav Klaýs ta jatyr. Ol qan qysymynyń kúrt kóterilýine bailanysty aýrýhanaǵa túsken.
