قاپشاعاي قالاسىنىڭ سوتى قازاقستان جۋرناليستەر وداعىنىڭ بۇرىنعى تٶراعاسى, "قارجى جىمقىردى جەنە سالىقتان جالتاردى" دەگەن ايىپپەن سوتتالعان سەيٸتقازى ماتاەۆتى قاماۋدان بوساتتى. ماتاەۆ ەندٸ جازاسىن شارتتى تٷردە ٶتەيدٸ, دەپ حابارلايدى "ۇلت اقپارات" ازاتتىققا سٸلتەمە جاساپ.
سوت شەشٸمٸ ون بەس كٷننەن كەيٸن ورىندالادى. وسى ارالىقتا پروكۋروردىڭ اپپەلاتسييالىق شاعىم تٷسٸرۋگە قۇقىعى بار. ماتاەۆ سوتقا ۆيدەو بايلانىس ارقىلى قاتىستى.
وتىرىستا پروكۋرور سەيٸتقازى ماتاەۆ سوت ٷكٸمٸ بويىنشا مەملەكەتكە كەلتٸرگەن 200 ميلليون تەڭگە زالالدى ٶتەمەگەنٸن ايتىپ, ونى بوساتۋعا قارسى بولدى. ال سوتتا ۆيدەو بايلانىس ارقىلى جاۋاپ بەرگەن كولونييا دەرٸگەرلەرٸ ماتاەۆتىڭ قان قىسىمى كٶتەرٸلٸپ كەتەتٸنٸن (گيپەرتونييالىق كريز دياگنوزى), تٷرمەنٸڭ سانيتارلىق بٶلٸمٸندە تيٸستٸ ەم-دوم الا المايتىنىن ايتىپ, ونى شارتتى تٷردە مەرزٸمٸنەن بۇرىن بوساتۋدى قولدادى.
لا 155/4 كولونيياسىنىڭ ٶكٸلٸ سەيٸتقازى ماتاەۆتىڭ تٷرمەدەگٸ تەرتٸبٸ "جاقسى بولعانىن", "ٷلگٸلٸ مٸنەز-قۇلقى ٷشٸن ىنتالاندىرۋعا يە بولعانىن", سوتتالۋشىنى مەرزٸمٸنەن بۇرىن بوساتۋدى قولدايتىنىن ايتتى.
2016 جىلى 3 قازاندا استانانىڭ ەسٸل اۋداندىق سوتى ماتاەۆتى "قارجى جىمقىردى" جەنە سالىقتان جالتاردى" (قر قك-نٸڭ 190-بابى, 4-بٶلٸمٸ, 2-تارماعى جەنە 245-بابى, 3-بٶلٸمٸ بويىنشا, سونداي-اق قر قك-نٸڭ (16.07.1997 جىلعى رەداكتسييا) 177-بابىنىڭ 4-بٶلٸمٸنٸڭ "ب" تارماعى بويىنشا) دەگەن ايىپتارمەن التى جىلعا, ال قازتاگ اگەنتتٸگٸنٸڭ ديرەكتورى ەسەت ماتاەۆ "قارجى جىمقىردى" (قر قك-نٸڭ 190-بابىنىڭ 4-بٶلٸمٸنٸڭ 2-تارماعى بويىنشا) دەگەن ايىپپەن بەس جىلعا سوتتاعان. ٷكٸم بويىنشا ماتاەۆتار اقپارات جەنە كوممۋنيكاتسييا مينيسترلٸگٸنە - 169 ميلليون تەڭگە, "قازاقتەلەكوم" كومپانيياسىنا 140 ميلليون تەڭگە قايتارۋى تيٸس بولعان. ماتاەۆتار ٶزدەرٸنە تاعىلعان ايىپتى مويىندامايدى. جەرگٸلٸكتٸ جەنە حالىقارالىق قۇقىق قورعاۋ ۇيىمدارى ماتاەۆتىڭ سوتتالۋىن ايىپتاعان بولاتىن.
ايتا كەتەيٸك, ماتاەۆتىڭ ۇلى - ەسەت ماتاەۆقا قاتىستى ٸس 2018 جىلدىڭ اقپانىندا قارالاتىن بولادى.
