فوتو: Akorda.kz
قاسىم-جومارت توقاەۆ ورتالىق ازييا مەملەكەتتەرٸ باسشىلارىنىڭ گەرمانييا پرەزيدەنتٸمەن كەزدەسۋٸنە قاتىستى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى جيىندا «C5 + گەرمانييا» ديالوگى تۋرالى باستاما ەلدەر اراسىنداعى ىنتىماقتاستىققا تىڭ سەرپٸن بەرەتٸنٸن اتاپ ٶتتٸ.
قاسىم-جومارت توقاەۆ ايماق مەملەكەتتەرٸ كٶشباسشىلارىنىڭ بٸرلەسكەن كٷش-جٸگەرٸن جۇمىلدىرۋعا بولاتىن ىقپالداستىقتىڭ باسىم باعىتتارىن ۇسىندى. پرەزيدەنت, ەڭ الدىمەن, ساۋدا-ەكونوميكالىق قارىم-قاتىناس, جاڭا كٶلٸك-ترانزيت دەلٸزدەرٸن دامىتۋ, ەنەرگەتيكا سالاسىنداعى كووپەراتسييا مەسەلەلەرٸنە نازار اۋداردى.
كەزدەسۋ بارىسىندا كليماتتىڭ ٶزگەرۋٸنە جەنە سۋ تاپشىلىعى پروبلەماسىنا باسا مەن بەرٸلدٸ. جيىنعا قاتىسۋشىلار مۇزدىقتاردىڭ ەرۋٸنە جەنە ورتالىق ازيياداعى ەكولوگييالىق احۋالدىڭ ٶزگەرۋٸنە بايلانىستى مەسەلەلەردٸ تالقىلادى. قازاقستان پرەزيدەنتٸنٸڭ پٸكٸرٸنشە, گەرمانييانىڭ اتالعان پروبلەمالاردى شەشۋدەگٸ تەجٸريبەسٸ ايماق ٷشٸن اسا ماڭىزدى.
مەملەكەتتەر باسشىلارى ورتالىق ازييا ٶڭٸرٸ مەن ەۋروپا وداعى تٶڭٸرەگٸندەگٸ گەوساياسي جاعدايعا قاتىستى مەسەلەلەردٸ دە قوزعادى. سونىمەن قاتار اۋعانستانداعى قازٸرگٸ جاعداي قاراستىرىلدى.
گەرمانييا پرەزيدەنتٸ فرانك-ۆالتەر شتاينمايەر ۋكرايناداعى داعدارىس ەۋروپانىڭ, سونداي-اق ورتالىق ازييا ەلدەرٸنٸڭ قاۋٸپسٸزدٸگٸنە ايتارلىقتاي ەسەر ەتەدٸ دەگەن پٸكٸر ايتتى.
قاسىم-جومارت توقاەۆ بۇعان جاۋاپ رەتٸندە ٶزارا تيٸمدٸ بەيبٸت شەشٸمدەر ٸزدەۋگە باعىتتالعان ساليقالى ديپلوماتييا قاجەت ەكەنٸن تاعى دا مەلٸمدەدٸ. مەملەكەت باسشىسى تاراپتاردىڭ ناقتى كەلٸسسٶزدەرگە كٸرٸسۋٸ قاجەت ەكەنٸنە نازار اۋداردى.
بۇدان بٶلەك, قازاقستان پرەزيدەنتٸ ورتالىق ازييا ەلدەرٸ مەن گەرمانييا اراسىنداعى مەدەني-گۋمانيتارلىق بايلانىستاردى كەڭەيتۋ قاجەت ەكەنٸنە توقتالدى. اتاپ ايتقاندا, مەملەكەت باسشىسى عىلىم جەنە بٸلٸم سالالارىنداعى بٸرلەسكەن جوبالاردى, نەمٸس تٸلٸن وقىتۋ باعدارلامالارىن ٸسكە اسىرۋدى قولدادى.
سونىمەن قاتار كەزدەسۋدە قىرعىزستان پرەزيدەنتٸ سادىر جاپاروۆ, تەجٸكستان پرەزيدەنتٸ ەمومالي راحمون, ٶزبەكستان پرەزيدەنتٸ شاۆكات ميرزييوەۆ, تٷرٸكمەنستان حالك ماسلاحاتىنىڭ تٶراعاسى گۋربانگۋلى بەردٸمۇحامەدوۆ سٶز سٶيلەدٸ.
