بجزق الدىنداعى بورىشىن ٶتەمەگەن قازاقستاندىق ازامات لوندونداعى ٷيٸنەن ايىرىلۋى مٷمكٸن, دەپ حابارلايدى قازاقپارات تٸلشٸسٸ.
«ەستەرٸڭٸزدە بولسا, بۇل ەميتەنت («قازاقستان قاعازى») لوندوندا بۇرىنعى اكتسيونەرلەرٸنە قارسى سوتتا جەڭٸپ شىققان بولاتىن. بەرٸلگەن سوما 315 ملن اقش دوللارىن قۇرادى. ەميتەنت نەگٸزگٸ جاۋاپ بەرۋشٸ - ماقسات ەرٸپتٸڭ بۇعاتتالعان 112 ملن اقش دوللارىنان بٶلەك لوندوندا قۇنى 25 ملن دوللار بولاتىن 6 نىساندى تاپتى. بۇل جىلجىمايتىن مٷلٸكتٸڭ يەسٸ كيپرلٸك كومپانييا بولىپ شىقتى. مٷلٸك سەنٸمدٸ باسقارۋعا بەرٸلگەن», - دەدٸ بجزق زاڭ دەپارتامەنتٸنٸڭ ديرەكتورى نازىم باقتىباەۆ.
سەنٸمدٸ باسقارۋشىنىڭ يەسٸ ماقسات ەرٸپتٸڭ ەيەلٸنٸڭ اناسى بولىپ شىقتى. سوڭعى سوت وتىرىسى 2018 جىلدىڭ 31 تامىزىندا ٶتەدٸ. وندا اتالعان مٷلٸكتٸڭ ماقسات ەرٸپكە تيەسٸلٸ نەمەسە ەمەستٸگٸ شەشٸلەتٸن بولادى.
مۇنىڭ الدىندا بجزق ٶكٸلدەرٸ بورىشكەر ەميتەنتتەرٸ تۋرالى حابارلاعان بولاتىن.
2017 جىلدىڭ جەلتوقسانىندا «قازاقستان قاعازى» اق ەميتەنتٸ بويىنشا وڭالتۋ شارالارى توقتاتىلىپ, بانكروتتىق پروتسەدۋراسى جاسالعان. بۇل شارامەن كەلٸسپەگەن قور باسشىلىعى قر جوعارعى سوتىنا ارىز تٷسٸرگەن بولاتىن. بيىل شٸلدەدە جوعارعى سوت مۇنىڭ الدىندا شىققان سوت اكتٸلەرٸن قايتا قاراۋ تۋرالى قاۋلى شىعاردى. ەندٸ بۇل مەسەلە قر جوعارعى سوتىنىڭ ازاماتتىق كوللەگيياسىندا 22 تامىزدا قارالاتىن بولادى.
