ەكٸ ميلليون قازاقستاندىقتىڭ زەينەتاقى جيناعىنا قاراجات تۇراقتى اۋدارىلمايدى, دەپ مەلٸمدەدٸ "بجزق" اق باسقارما باسشىسى نۇربيبٸ ناۋرىزباەۆا باسپاسٶز مەسليحاتى كەزٸندە.
"مەملەكەت باسشىسى ٶزٸن-ٶزٸ جۇمىسپەن قامتۋشىلار مەسەلەسٸنە نازار اۋدارۋدى تاپسىرعانىن بٸلەسٸزدەر. بٷگٸنگٸ تاڭدا ەكٸ ميلليونعا جۋىق شوتقا قاراجات تۇراقتى تٷسپەيدٸ. بٸزدٸڭ پايىمداۋىمىزشا, بۇلار ٶزٸن-ٶزٸ جۇمىسپەن قامتۋشىلار نەمەسە جۇمىسسىزدار", — دەپ مەلٸمدەدٸ ول. باسقارما باسشىسى تٷسٸندٸرٸپ ٶتكەندەي, زەينەتاقى قورى ٶزٸن-ٶزٸ جۇمىسپەن قامتۋشى ازاماتتارمەن اۋقىمدى جۇمىستى باستاپ كەتكەن.
"بيىل ٶزٸن-ٶزٸ جۇمىسپەن قامتۋشى حالىقپەن جۇمىس ٸستەۋدٸ باستادىق… العاشقى جارتى جىلدا 375 مىڭ ادامدى قامتيمىز دەپ جوسپارلاپ وتىرمىز. دەرەكتەر بازاسىنان شوتىندا قاراجات جوق نەمەسە ۋاقىتىلى سالىم سالىنبايتىن كەلٸسٸمدەردٸ تاڭداپ الدىق. مەنەدجەرلەرٸمٸز بۇل ازاماتتارمەن حابارلاسىپ, قاراجات اۋدارماۋ سەبەپتەرٸن سۇرايدى, جۇمىسسىز بولعان جاعدايدا ەلەۋمەتتٸك باعدارلامالار جايىندا ماعلۇمات بەرەدٸ, شاعىن جەنە ورتا بيزنەستٸ تٷسٸندٸرەدٸ", — دەيدٸ ناۋرىزباەۆا.
ونىڭ سٶزٸنە سٷيەنسەك, ەكٸ اي ٸشٸندە 71 مىڭ ازاماتپەن بايلانىس ورناتىلعان.
