بٷگٸن پارلامەنت پالاتالارىنىڭ بٸرلەسكەن وتىرىسىنداا ەسەپ كوميتەتٸنٸڭ تٶراعاسى ناتاليا گودۋنوۆا قر ٷكٸمەتٸنٸڭ جەنە رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندە ەسەپ بەردٸ, دەپ حابارلايدى Baq.kz اگەنتتٸگٸ.
«بيىل بيۋدجەتتٸڭ جالپىۇلتتىق ماقساتتارعا اۋماقتاردى دامىتۋ بويىنشا مەملەكەتتٸك باعدارلامالار دەڭگەيٸندە قانشالىقتى جاۋاپ بەرەتٸنٸن قارادىق. 2018 جىلى رەسپۋبليكالىق بيۋدجەتتٸڭ اتقارىلۋى ٶتكەن جىلعى پارلامەنت پەن ەسەپ كوميتەتٸنٸڭ ۇسىنىمدارىن ەسكەرە وتىرىپ, ٷكٸمەت جٷرگٸزگەن بيۋدجەت پروتسەسٸن ايتارلىقتاي قايتا قۇرۋ اياسىندا ٶتتٸ. ەسەپ كوميتەتٸنٸڭ ٷكٸمەتكە جەنە مەملەكەتتٸك ورگاندارعا بەرگەن ۇسىنىستارىنىڭ سانى بويىنشا, بيۋدجەتتٸڭ اتقارىلۋىن قاراۋدىڭ الدىڭعى قورىتىندىلارى بويىنشا ورىنداۋ ساتىسى 72 پايىزدى كٶرسەتتٸ. بۇل بيۋدجەتتٸڭ ورىندالۋ جاعدايىنىڭ جاقسارۋىنا ىقپال ەتتٸ. بيۋدجەت تٷزەتۋلەرٸ ەكٸ ەسە از بولدى. بيۋدجەت قاراجاتىن تيٸمسٸز پايدالانۋ 4 ەسە تٶمەندەدٸ. وڭ ديناميكا تٸركەلدٸ, سول سەبەپتٸ بۇل جۇمىس جالعاسادى دەگەن ويدامىز», - دەپ ايتتى گودۋنوۆا ەكٸ پالاتانىڭ بٸرلەسەن وتىرىسىندا.
سونداي-اق, ول ماكروەكونوميكالىق كٶرسەتكٸشتەرگە دە توقتالدى.
«قازاقستان ەكونوميكاسى ەلەمدٸك ەكونوميكانىڭ ورتاشا ٶسۋ قارقىنى مەن نەگٸزگٸ ەكسپورتتىق تاۋارلارعا سۇرانىستىڭ بٸرتٸندەپ قالپىنا كەلۋٸ اياسىندا دامىدى. سونىمەن بٸرگە ەكونوميكانى ەرتاراپتاندىرۋ ساياساتىنا قاراماستان, ەكونوميكا ٶسٸمٸنە مۇناي-گاز سەكتورى بۇرىنعىسىنشا ايتارلىقتاي ٷلەس قوسىپ وتىر. ال ونىڭ جٸٶ قۇرىلىمىنداعى ٷلەس سالماعى 21,3% دەيٸن ٶستٸ. ەكسپورت قۇرىلىمىنداعى مينەرالدى ٶنٸمدەردٸڭ ٷلەسٸ 74% قۇرايدى», - دەپ ايتتى ەسەپ كوميتەتٸنٸڭ تٶراعاسى.
ونىڭ ايتۋىنشا, 2018 جىلى ەلەۋمەتتٸك سالادا دا ەلەۋلٸ ٶزگەرٸستەر بولىپ, 2014 جىلدان كەيٸن بىلتىر العاش رەت حالىقتىڭ ەڭبەكاقىسىنىڭ ناقتى مەندە ٶسۋٸنە قول جەتكٸزٸلدٸ. گودۋنوۆا بۇل وڭ ٷردٸس بيىل دا جالعاساتىنىن ايتتى. ال مەملەكەتتٸك جەنە كۆازيمەملەكەتتٸك سەكتور قارىزى جٸٶ 60% اسپايتىن قاۋٸپسٸز دەڭگەيدە تۇر.
