فوتو: Tengrinews.kz
2022 جىلعا بٶلٸنگەن بيۋدجەت قاراجاتىن تيٸمسٸز پايدالانعانى ٷشٸن 82 جوعارى لاۋازىمدى تۇلعا جازالاندى. بۇل تۋرالى قارجى مينيسترٸ ەرۇلان جاماۋباەۆ مەلٸمدەدٸ, - دەپ حابارلايدى Tengrinews.kz.
25 مامىردا سەناتتا ٷكٸمەت پەن جوعارعى ەسەپ پالاتاسىنىڭ 2022 جىلعا ارنالعان رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸنٸڭ تانىستىرىلىمى ٶتتٸ.
"مەملەكەتتٸك باعدارلامالار مەن ۇلتتىق جوبالاردى ٸسكە اسىرۋ قورىتىندىلارىنا كەلەتٸن بولساق, ٶتكەن جىلى ٷش مەملەكەتتٸك باعدارلاما مەن 10 ۇلتتىق جوبا جٷزەگە اسىرىلدى. ولار مەملەكەتتٸك جوسپارلاۋدىڭ جاڭا جٷيەسٸن ەنگٸزۋ اياسىندا بەكٸتٸلدٸ. تٷرلٸ كٶزدەردەن 8,2 تريلليون تەڭگە بٶلٸندٸ. ونىڭ 2,8 تريلليون تەڭگەسٸ مەملەكەتتٸك بيۋدجەتتەن بٶلٸندٸ", - دەدٸ جاماۋباەۆ.
سونداي-اق قارجى مينيسترلٸگٸنٸڭ باسشىسىنان قازاقستانداعى بيۋدجەتتٸڭ يگەرٸلمەۋٸنە قارسى قولدانىلىپ جاتقان شارالار تۋرالى سۇرالدى.
"بٸرنەشە تريلليوننان استام بيۋدجەت اقشاسى تيٸمسٸز پايدالانىلدى. الداعى ۋاقىتتا مۇنداي جاعداي قايتالانباۋى ٷشٸن قىزمەتكەرلەر جازالانا ما?" - دەپ سۇرادى سەناتور امانگەلدٸ تٶلەمٸسوۆ.
"سانداردى ناقتىلاي كەتەيٸن. 8,2 تريلليون تەڭگە, ونىڭ بارلىعى - مەملەكەت قارجىسى ەمەس. 2,8 تريلليونى - رەسپۋبليكالىق بيۋدجەتتەن بٶلٸنگەن قارجى. قالعانى - جەكە ينۆەستيتسييا مەن قارىز قاراجات. ەرينە, مونيتورينگ جٷرگٸزٸپ جاتىرمىز. بٸز جوعارعى ەسەپ پالاتاسىنىڭ قورىتىندىلارى مەن ۇسىنىستارىن تالدايمىز, جوعارى لاۋازىمدى تۇلعالاردى جاۋاپقا تارتامىز. قازٸر 113 ادام, ونىڭ ٸشٸندە 82 جوعارى لاۋازىمدى تۇلعا جاۋاپكەرشٸلٸككە تارتىلدى", - دەپ جاۋاپ بەردٸ قارجى مينيسترلٸگٸنٸڭ باسشىسى.
