مەملەكەت باسشىسى قاسىم-جومارت توقاەۆ ەلٸمٸزدەگٸ ەپيدەميولوگييالىق احۋال جٶنٸندە كەڭەستە دەنساۋلىق ساقتاۋ نىساندارىنىڭ ساپاسىن سىنعا الدى, دەپ حابارلايدى "ۇلت اقپارات".
«بٸرنەشە ايدىڭ ٸشٸندە جاڭا ينفەكتسييالىق اۋرۋحانالار سالىندى, قاجەتتٸ قۇرال-جابدىق ساتىپ الىندى, دەرٸ-دەرمەك قورى جاساقتالدى. مەديتسينا قىزمەتكەرلەرٸن دە وقىتتىق. ەندٸ, وسىنىڭ بەرٸن دۇرىس ەرٸ تيٸمدٸ پايدالانۋ كەرەك.
بىلتىرعى جازدا بولعان جاعدايدىڭ قايتالانۋىنا جول بەرۋگە بولمايدى. دەنساۋلىق ساقتاۋ جٷيەسٸنٸڭ بٸر قالىپتى جۇمىس ٸستەۋٸن قامتاماسىز ەتۋ قاجەت. ٶكٸنٸشكە قاراي, وسى مەسەلەدە ولقىلىقتار بار. مەنٸڭ تاپسىرمام بويىنشا ٶڭٸردەگٸ دەنساۋلىق ساقتاۋ نىساندارى تەكسەرٸلدٸ. ونىڭ نەتيجەسٸ كٶڭٸل كٶنشٸتپەيدٸ. جاڭادان سالىنعان مودۋلدٸ جۇقپالى اۋرۋلار ورتالىقتارى عانا ستاندارتتارعا ساي كەلەدٸ», - دەدٸ پرەزيدەنت.
