Memleket basshysy Qasym-Jomart Toqaev elimizdegi epidemiologiialyq ahýal jóninde keńeste densaýlyq saqtaý nysandarynyń sapasyn synǵa aldy, dep habarlaidy "Ult aqparat".
«Birneshe aidyń ishinde jańa infektsiialyq aýrýhanalar salyndy, qajetti qural-jabdyq satyp alyndy, dári-dármek qory jasaqtaldy. Meditsina qyzmetkerlerin de oqyttyq. Endi, osynyń bárin durys ári tiimdi paidalaný kerek.
Byltyrǵy jazda bolǵan jaǵdaidyń qaitalanýyna jol berýge bolmaidy. Densaýlyq saqtaý júiesiniń bir qalypty jumys isteýin qamtamasyz etý qajet. Ókinishke qarai, osy máselede olqylyqtar bar. Meniń tapsyrmam boiynsha óńirdegi densaýlyq saqtaý nysandary tekserildi. Onyń nátijesi kóńil kónshitpeidi. Jańadan salynǵan modýldi juqpaly aýrýlar ortalyqtary ǵana standarttarǵa sai keledi», - dedi Prezident.
