12 قازاندا قىرعىزستان سىرتقى ٸستەر مينيسترٸ چينگيز ايداربەكوۆ بۇۇ-نىڭ ورتالىق ازييا بويىنشا ارنايى ۋەكٸلٸ ناتاليا گەرمانمەن تەلەفون ارقىلى سٶيلەستٸ.
گەرمان قىرعىزستانداعى جاعدايدى بەيبٸت تٷردە شەشۋگە شاقىرىپ, سوورونباي جەەنبەكوۆتٸ ەلدٸڭ زاڭدى پرەزيدەنتٸ, كونستيتۋتسييالىق بيلٸكتٸڭ زاڭدى ٶكٸلٸ دەپ اتاعان.
بۇۇ "پرەزيدەنت بارلىق ساياسي كٷش پەن حالىقتىڭ باسىم بٶلٸگٸنٸڭ, ونىڭ ٸشٸندە ازاماتتىق قوعام مەن جاستاردىڭ قولداۋىمەن قۇقىق اياسىندا مەملەكەتتٸ تىعىرىقتان شىعاراتىن جول تابار دەپ ٷمٸتتەنەدٸ" دەلٸنگەن قىرعىزستان سٸم حابارلاماسىندا.
ۆەدومستۆونىڭ مەلٸمدەۋٸنشە, بۇۇ باس حاتشىسى گۋتەرريش قىرعىزستانداعى جاعدايدى مۇقييات باقىلاپ وتىر جەنە بۇعان دەيٸن جاساعان مەلٸمدەمەلەرٸندە ايتقانىنداي, قىرعىزستاندى كونستيتۋتسييالىق پروتسەسس اياسىندا داعدارىستان شىعارۋعا, پارلامەنت سايلاۋىن ۇيىمداستىرۋ جەنە ەلدٸڭ ەكونوميكالىق تۇراقتىلىعىن تەز ارادا قالپىنا كەلتٸرۋگە اتسالىسۋعا دايىن ەكەنٸن بٸلدٸرگەن.
قىرعىزستاندا 4 قازاندا ٶتكەن پارلامەنت سايلاۋىنان كەيٸن ساياسي كٷشتەر بٸشكەكتەگٸ "الا-توو" الاڭىندا نارازىلىق اكتسيياسىن باستاعان. پارلامەنت سايلاۋىنىڭ نەتيجەسٸن جويۋدى تالاپ ەتكەن نارازىلىق اكتسييالارىنىڭ سوڭى تەرتٸپسٸزدٸككە ۇلاسقان. 6 قازانعا قاراعان تٷنٸ دەمونسترانتتار پارلامەنت پەن پرەزيدەنت اپپاراتى ورنالاسقان "اق ٷيدٸ" باسىپ الدى.
سول كٷنٸ نارازىلار تالابىنان كەيٸن تٷرمەدەگٸ بٸرنەشە ساياساتكەر قاماۋدان شىقتى. ولاردىڭ اراسىندا بۇرىنعى پرەزيدەنت المازبەك اتامباەۆ, بۇرىنعى دەپۋتات سادىر جاپاروۆ تا بولدى.
10 قازاندا جاپاروۆ پرەمەر-مينيستر قىزمەتٸنە بەكٸتٸلگەن. كەيبٸر دەپۋتاتتار ونىڭ قىزمەتكە تاعايىندالۋىنىڭ لەگيتيمدٸگٸنە كٷمەن كەلتٸرگەن.
قىرعىزستاندا ساياسي كٷشتەر داعدارىستان شىعۋ جولدارىن ەلٸ تالقىلاپ جاتىر. 9 قازانعا قاراعان تٷنٸ سوورونباي جەەنبەكوۆ "مەملەكەت قۇقىقتىق اياعا ورالعان سوڭ پرەزيدەنت قىزمەتٸنەن كەتۋگە دايارمىن" دەپ مەلٸمدەگەن.
